مقبوضہ جموں و کشمیر،ایس آئی اے کا جموںمیں آزادی پسندکشمیری نوجوان کے گھر چھاپہ،اشیا قبضے میں لے لیں

منگل 26 ستمبر 2023 15:49

سرینگر (اُردو پوائنٹ اخبارتازہ ترین - اے پی پی۔ 26 ستمبر2023ء) بھارت کے غیر قانونی زیر تسلط جموں و کشمیر میں نئی دہلی کے زیر کنٹرول تحقیقاتی ادارے ایس آئی اے نے آج جموں میں ایک آزادی پسند نوجوانوں کے گھر پر چھاپہ ماراہے۔کشمیرمیڈیاسروس کے مطابق ایس آئی اے کی ایک ٹیم نے جموں میں بٹنڈی کے علاقے پیر باغ میں کشمیری نوجوان محمد اقبال کے گھر پر چھاپہ مارا اور تلاشی لی،انہوں نے چھاپے کے دوران اہم دستاویزات اور شواہد حاصل کرنے کا دعویٰ کیاہے۔

(جاری ہے)

ایس آئی اے کے اہلکاروں نے نوجوان کے گھر پرچھاپے کے دوران ایک موبائل فون، دو سم کارڈ اور بعض دیگر دستاویزات ضبط کئے ہیں ۔انہوں نے اقبال کو مجاہد تنظیم کا کارکن قراردیا یہ وہ الزام ہے جو بھارتی فورسز کشمیری نوجوانوں کی گرفتاری کا جواز فراہم کرنے کے لئے پیش کرتی ہیں۔ادھر منگل کی صبح پونچھ کے علاقے کانکوٹ کے قریب ایک خصوصی پولیس افسر خالق حسین کی لاش برآمد ہوئی ہے ۔قابض حکام کے مطابق خالق کی موت سڑک حادثے میں ہوئی ۔