کمیونٹی پولیسنگ کے فروغ کیلئے ''فرینڈز آف پولیس'' پروگرام کا آغاز کر دیا گیا

منگل 26 ستمبر 2023 19:40

چنیوٹ (اُردو پوائنٹ اخبارتازہ ترین - اے پی پی۔ 26 ستمبر2023ء) انسپکٹر جنرل آف پولیس پنجاب کے ویژن کے مطابق کمیونٹی پولیسنگ کے فروغ کیلئے ''فرینڈز آف پولیس'' پروگرام کا آغاز کر دیا گیاہے اس حوالے سے فرینڈزآف پولیس پروگرام کے وفد نے ڈی پی او آفس، پولیس لائن، پولیس خدمت مرکز، ماڈل پولیس سٹیشن صدر کادورہ کیا ۔ڈی پی او عبداللہ احمد نے سٹوڈنٹس کو فرینڈز آف پولیس کے بیجز لگا کر ''فرینڈز آف پولیس'' پروگرام کا آغاز کیا۔

ڈی پی او نے سٹوڈنٹس کو پولیس ورک اور پولیس سروسز کے حصول کیلئے شہریوں کو فراہم کردہ سہولیات پر ملٹی میڈیا بریفنگ دی۔ بعدازاں فرینڈز آف پولیس کے وفد کو یادگار شہداء، کنٹرول روم، خدمت مرکز،ماڈل پولیس سٹیشن،پولیس لائن کا وزٹ کروایا گیا۔دوران وزٹ پبلک سروس ڈلیوری کیلئے کیے گئے اقدامات پر بریف کیا گیا اور پولیس ورک سے مکمل آگاہی دی گئی۔

(جاری ہے)

فرینڈز آف پولیس کے وفد نے پولیس ورک میں جدید سہولیات کی فراہمی پر خوب سراہا اور پنجاب پولیس کا حصہ بننے کی خواہش ظاہر کردی۔اس موقع پر میڈیا سے گفتگو کرتے ہوئے ڈسٹرکٹ پولیس آفیسر عبداللہ احمد کا کہنا تھا کہ پولیس اور عوام کے درمیان فاصلوں کو کم کرنے کیلئے فرینڈز آف پولیس پروگرام کا آغاز کیا گیا ہے۔فرینڈز آف پولیس پروگرام کا مقصد عوام کے مفاد پر مبنی پولیس خدمات کو فروغ دینا ہے۔شہریوں کی سہولت کے لیے پبلک سروس ڈلیوری کے نظام کو مزید بہتر بنایا جا رہا ہے۔انہوں نے مزید کہا کہ فرینڈز آف پولیس اینڈ پولیس وولنٹیئر کا تعاون جرائم کے خاتمے میں معاون ثابت ہو گا۔