آئی جی سندھ رفعت مختار راجہ کی زیر صدارت اہم اجلاس ، پولیس ملازمین کی فلاح و بہبود سے متعلق جاری مختلف امور و اقدامات کا جائزہ لیا گیا

منگل 26 ستمبر 2023 19:50

کراچی (اُردو پوائنٹ اخبارتازہ ترین - اے پی پی۔ 26 ستمبر2023ء) انسپکٹر جنرل (آئی جی) سندھ رفعت مختار راجہ کی زیر صدارت سی پی او میں اجلاس منعقد ہوا جس میںسندھ پولیس ملازمین کی فلاح و بہبود سے متعلق جاری مختلف امور و اقدامات کا جائزہ لیا گیا۔ منگل کو جاری کردہ اعلامیہ کے مطابق اے آئی جی ویلفیئر سندھ نے اجلاس میں بریفنگ دی ۔اجلاس میں شہدا اور متوفی پولیس افسران و جوانوں کی فیملیز کو دی جانیوالی مالی امداد،معاونت،پولیس اسپتالوں،ڈسپینسریز سے بلا معاوضہ طبی امداد و ادویات کی فراہمی زخمی اور بیمار پولیس ملازمین کے لیئے بحالی الانس،پولیس ملازمین کے بچوں اور بچیوں کو اسکولز ،جامعات اور دیگر تعلیمی اداروں میں دی جانیوالی اسکالر شپ اور تجہیز و تکفین جیسے اقدامات کا تفصیلی احاطہ کیا اوربچوں اور باالخصوص بچیوں کے لیئے میرج گرانٹ ایڈوانس میں دیئے جانے پر غور کیا گیاجبکہ ذہین اور امتیازی نمبرز لینے والے پولیس ملازمین کے بچوں اور بچیوں کی اسکالرشپ فیس میں مذید رعایت کے لیئے بات کی جائے۔

(جاری ہے)

آئی جی سندھ اے آئی جی ویلفیئر اسکالرشپ دینے والے اسکولز،جامعات اور دیگر تعلیمی اداروں سے رابطہ کریں۔انہوں نے کہا کہ دوران فرائض فوت ہونیوالے پولیس ملازمین کی تجہیز و تکفین کے حوالے سے ریوالونگ فنڈ قائم کیا جائے۔انہوںنے کہا کہ ادویات کی جلد پروکیورمنٹ کرکے پولیس اسپتالوں،ڈسپینسریز کو تقسیم کیا جائے۔اجلاس میں ایڈیشنل آئی جی فنانس/ویلفیئر,ڈی آئی جی ہیڈکوارٹرز سندھ,ڈی آئی جی فائنانس سندھ کے علاوہ ویلفیئر,فنانس، ایڈمن اور لاجسٹکس سی پی او کے اے آئی جیز نے بھی شرکت کی۔