سندھ ہائی کورٹ نے پانچ افراد کے مقدمہ قتل میں ملوث دو ملزمان کو شک کافائدہ دیتے ہوئے بری کردیا

بدھ 27 ستمبر 2023 21:31

کراچی (اُردو پوائنٹ اخبارتازہ ترین - این این آئی۔ 27 ستمبر2023ء) سندھ ہائی کورٹ نے پانچ افراد کے مقدمہ قتل میں ملوث دو ملزمان کی سزاوں کیخلاف اپیل پر فیصلہ سنادیا۔ عدالت نے ملزمان کو شک کا فائدہ دیتے ہوئے بری کردیا۔ عدالت نے فیصلے میں کہا کہ مرکزی گواہ 3 سال تک عدالت پیش نہیں ہوا، گواہوں کے بیانات میں تضادات ہیں۔ عدالت کسی اور مقدمے میں ملوث نا ہونے کی صورت میں رہا کردیا جائے۔

(جاری ہے)

استغاثہ کے مطابق ملزمان عارف اور سلطان کو ماتحت عدالت نے عمر قید اور جرمانوں کی سزا سنائی تھی۔ ملزمان کا تعلق لیاری گینگ وار سے ہے اور علاقے میں دہشتگردی پھیلاتے تھے۔ 10 مارچ 2014 کو ملزمان نے مواچکو تھانے کی حدود اپنے ساتھیوں کے ہمراہ 5 افراد کو قتل کیا تھا۔ مدعی نیوی اہلکار نے بیان میں کہا تھا کہ ملزمان نے میرے 2 بھائیوں جاوید، اسماعیل، ماموں تاج محمد اور 2 کزنز شعیب اور فیصل کو ہلاک کیا تھا۔ مجھے فون پر اطلاع ملی کہ میرے رشتہ داروں کی لاشیں سول اسپتال پہنچ گئی ہیں۔