کاشتکارو ں کو شملہ مرچ کی پنیری 15 اکتوبر سے کھیتوں میں منتقل کرنے کی سفارش

پیر 2 اکتوبر 2023 11:40

فیصل آباد (اُردو پوائنٹ اخبارتازہ ترین - اے پی پی۔ 02 اکتوبر2023ء) کاشتکارو ں کو شملہ مرچ کی پنیری 15 اکتوبر سے کھیتوں میں منتقل کرنے کی سفارش کرتے ہوئے کہا ہے کہ کاشتکار ستمبر میں کاشت کی گئی شملہ مرچ کی پنیری مقررہ وقت پر کھیتوں میں منتقل کرنا شروع کردیں اور یہ عمل 10نومبر تک مکمل کیاجاسکتاہے تاہم جتنی جلدی پنیری کھیتوں میں منتقل کی جائے گی اس قدر اچھی فصل حاصل ہونے کا امکان ہے۔

(جاری ہے)

اسسٹنٹ ڈائریکٹرمحکمہ زراعت توسیع فیصل آباد ڈاکٹر خالد اقبال نے کہا کہ کاشتکار سبزیوں کی اگیتی دستیابی اور زیادہ پیداوار کے حصول کیلئے ٹنل کاشت کے طریقہ کو رواج دے سکتے ہیں۔ انہوں نے کہاکہ واک ان ٹنل میں سبز مرچ کی پنیری کی منتقلی بھی15اکتوبر سے شروع کی جا سکتی ہے۔اسی طرح کھیرے کی براہ راست کاشت کاعمل 15نومبر،بینگن کی پنیری کی منتقلی کاعمل 15 اکتوبر، ٹماٹر کی پنیری کی کاشت یکم سے 15 اکتوبر اور کھیتوں میں منتقلی کاعمل 15نومبر سے شروع کیا جاسکتاہے۔ انہوں نے کہاکہ کاشتکار مزید رہنمائی کیلئے ماہرین زراعت یا محکمہ زراعت کے فیلڈ سٹاف کی خدمات سے بھی استفادہ کرسکتے ہیں۔