کینیڈا کے مشہور پارک میں ریچھ نے دو لوگوں کو مار ڈالا

ریڈ ڈیر اور پینتھر ویلیز کے آس پاس کے علاقے کو بند کر دیا گیا،مقامی حکام

پیر 2 اکتوبر 2023 12:23

کینیڈا کے مشہور پارک میں ریچھ نے دو لوگوں کو مار ڈالا

ٹورنٹو(اُردو پوائنٹ اخبارتازہ ترین - این این آئی۔ 02 اکتوبر2023ء) کینیڈا کے نیشنل پارکس ڈیپارٹمنٹ کی حکومت نے ایک بیان میں کہا کہ اسے البرٹا کے بنف نیشنل پارک میں ایک گرزلی ریچھ کے حملے میں دو افراد کی موت ہوئی ہے۔غیرملکی خبررساں ادارے کے مطابق انتظامیہ نے اپنے بیان میں مزید کہا کہ اسے گلوبل پوزیشننگ سسٹم (جی پی ایس)ڈیوائس سے ایک الرٹ موصول ہوا تھا جس میں ریچھ کے حملے کی نشاندہی کی گئی تھی۔

یہ پارک رشیڈ ڈیر علاقے میں واقعے ہے۔

(جاری ہے)

انتظامیہ کا کہنا تھا کہ اس وقت موسمی حالات نے ہیلی کاپٹر کے استعمال کی اجازت نہیں دی تھی جس کی وجہ سے ہنگامی ٹیم کو رات بھر زمینی راستے سے چلنا پڑا اور وہ دیر سے جائے وقوعہ پر پہنچی۔ٹیم اس مقام پر پہنچی جہاں انہیں دو افراد کی موت کا پتہ چلا۔انتظامیہ نے انکشاف کیا کہ ٹیم نے بعد میں ریچھ کے جارحانہ رویے کا مظاہرہ کرنے کے بعد اس کے لیے یوتھناسیا آپریشن کیا۔ریڈ ڈیر اور پینتھر ویلیز کے آس پاس کے علاقے کو اگلے اطلاع تک بند کر دیا گیا ہے۔بینف نیشنل پارک میں ہر سال 4 ملین سے زیادہ سیاح آتے ہیں۔ یہ گرزلی اور کالے ریچھوں کا گھر ہے۔