کپواڑہ میں خاتون کے ہاں چاربچوں کی پیدائش، طبی سہولیات کی عدم دستیابی کے باعث تین بچوں کی موت

پیر 23 اکتوبر 2023 17:38

سرینگر (اُردو پوائنٹ اخبارتازہ ترین - اے پی پی۔ 23 اکتوبر2023ء) غیر قانونی طور پر بھارت کے زیر قبضہ جموں و کشمیر میں طبی سہولیات کی عدم دستیابی کے سبب ضلع کپواڑہ کے ایک ہسپتال میں ایک خاتون کے ہاں پیدا ہونے والے چار بہن بھائیوں میں سے تین کی موت ہوگئی۔کشمیر میڈیا سروس کے مطابق خاتون کے رشتہ دار نے صحافیوں کو بتایا کہ ڈاکٹروں کے مطابق تینوں بچے کم وزن کی وجہ سے زندہ نہیں رہے۔

مرنے والے بچوں میں دو لڑکے اور ایک لڑکی شامل ہے۔

(جاری ہے)

رشتہ دار نے بتایا کہ ایک اور بچے کو جے وی سی ہسپتال بمنہ سرینگر منتقل کیا گیا ہے۔انہوں نے کہاکہ ہم کیرن قصبے سے تقریبا 8ہزارفٹ کی بلندی پر رہتے ہیں اور وہاں کوئی طبی سہولت یا سڑک کا رابطہ نہیں ہے۔انہوں نے کہاکہ ہم ضلعی انتظامیہ سے گزارش کرتے ہیں کہ علاقے کے لوگوں کی تکالیف کو کم کرنے کے لیے طبی سہولت اور مناسب سڑک رابطہ فراہم کیا جائے۔یہ بات قابل ذکر ہے کہ کیرن کپواڑہ سے تعلق رکھنے والی خاتون کو پی ایچ سی کیرن میں داخل کیا گیا تھا اور اسے آدھی رات کے قریب ایس ڈی ایچ کپوارہ منتقل کیا گیا تھا جہاں اس نے چار بچوں کو جنم دیا جن میں تین لڑکے اور ایک لڑکی شامل تھی۔