ریسکیو 1122 فیصل آباد نے 24 گھنٹوں کے 340 افراد کو مدد فراہم کی، ترجمان

پیر 27 نومبر 2023 15:50

فیصل آباد (اُردو پوائنٹ اخبارتازہ ترین - اے پی پی۔ 27 نومبر2023ء) ریسکیو 1122 فیصل آباد نے 24 گھنٹوں کے دوران 362 ایمرجنسی کالز پر بروقت رسپانس کرتے ہوئے 340 افراد کو مدد فراہم کی۔

(جاری ہے)

ترجمان ریسکیو 1122 کے مطابق گزشتہ روز ریسکیو کنٹرول کو 362 ایمرجنسی کالز موصول ہوئیں ،بروقت موقع پر پہنچ کر 63 روڈ ٹریفک ایکسیڈنٹ ، 273 میڈیکل، 5 آگ لگنے، 10 کرائم، 04 اونچائی سے گرنے اور 07 دیگر متفرق ایمرجنسیز پر رسپانس کرتے ہوئے 340 متاثرین کو ریسکیو کیا گیا جن میں سے 173 کو موقع پر طبی امداد فراہم کی گئی، 152 افراد کو طبی امداد کے بعد ضلع کے مختلف ہسپتالوں میں منتقل کیا گیا۔

اس کے علاوہ پیشنٹ ٹرانسفر سروس کے ذریعے ریفر ہونے 16 افراد کو مختلف ہسپتالوں میں منتقل کیاگیا۔ ڈسٹرکٹ ایمرجنسی آفیسر ظفر اقبال کا کہنا تھا کہ بڑھتی ہوئی سموگ کے پیش نظر جب بھی گھر سے نکلیں ماسک کا استعمال یقینی بنایا جائے تا کہ سانس کی بیماریوں سے بچا جا سکے، موٹر سائیکل سوار ہیلمٹ کا استعمال کریں،ہیلمٹ کا استعمال کرنے سے موٹر سائیکل سے ہونے والے حادثات کے نتیجہ میں لگنے والی سر کی چوٹ اور اموات کو کم کیا جاسکتا ہے۔