اسرائیل سے رہا فلسطینی والدین سے لپٹ کر رو پڑے

اسرائیلی قید خانوں میں فلسطینیوں پر بدترین تشدد کیا جا رہا ہے، چار قیدی مر چکے ہیں،رپورٹ

منگل 28 نومبر 2023 16:34

اسرائیل سے رہا فلسطینی والدین سے لپٹ کر رو پڑے

مقبوضہ بیت المقدس(اُردو پوائنٹ اخبارتازہ ترین - این این آئی۔ 28 نومبر2023ء) اسرائیلی قید سے رہا ہونے والے فلسطینی والدین سے لپٹ کر رو پڑے۔غیرملکی خبررساں ادارے کے مطابق رہا ہونے والے فلسطینیوں نے کہا کہ ان کی رہائی کی خوشی پر غزہ کے شہدا کا غم بھاری ہے، دونوں بھائیوں کیلیے اسرائیلی قید نیا تجربہ نہیں ہے۔ پہلی بار پانچ اور چھ سال کی عمر میں دونوں کو اسرائیلی نے تحقیقات کیلیے حراست میں لیا۔

(جاری ہے)

نوجوانوں کا کہنا تھا کہ اسرائیلی قید خانوں میں فلسطینیوں پر بدترین تشدد کیا جا رہا ہے، چار قیدی مر چکے ہیں۔خیال رہے کہ 7 اکتوبر سے اب تک اسرائیلی سیکیورٹی فورسز نے مغربی کنارے اور مقبوضہ بیت المقدس سے 3200 سے زیادہ فلسطینیوں کو گرفتار کیا ہے۔عارضی جنگ بندی میں وقفے کے آخری دن مشینوں اور آلات کے بغیر ملبے سے لاشیں نکالنے کا کام تیزی سے جاری ہے، کھانے پینے کے سامان اور گیس بھروانے کے لیے لمبی قطاریں لگی ہوئی ہیں۔