سی آئی اے عہدیدارنے فیس بک پرفلسطین کے حق میں تصویرشیئرکردی

بدھ 29 نومبر 2023 14:37

واشنگٹن(اُردو پوائنٹ اخبارتازہ ترین - این این آئی۔ 29 نومبر2023ء) امریکی خفیہ ادارے سینٹرل انٹیلیجنس ایجنسی (سی آئی ای)کی ایسوسی ایٹ ڈپٹی ڈائریکٹر اینالائسز نے سماجی رابطوں کی ویب سائٹ پر فلسطین کے حق میں تصویر شیئر کر دی۔امریکی اخبار کی ایک رپورٹ میں دعوی کیا گیا کہ سی آئی کی عہدیدار نے 21 اکتوبر کے روز اپنے فیس بک اکائونٹ کی کوور فوٹو تبدیل کرتے ہوئے فلسطین کے حق میں تصویر پوسٹ کی تھی۔

(جاری ہے)

خاتون عہدیدار نے اپنی پروفائل کے کوور فوٹو میں ایک شخص کی تصویر لگائی تھی جس نے اپنے ہاتھ میں فلسطینی پرچم تھاما ہوا تھا۔اخبار نے دعوی کیا کہ خفیہ ادارے کی اہم عہدیدار کی جانب سے پبلک پلیٹ فارم پر سیاسی جھکا ظاہر کرنے والی تصویر شیئر کرنا غیر معمولی اقدام تھا۔معاملے سے متعلق موقف کیلئے رابطہ کرنے پر سی آئی کا کہنا تھا کہ بطور ایجنسی ہم جس طرح کام کرتے ہیں، اس اعتبار سے ہمارے افسران اپنی اینالیٹیکل آبجیکٹویٹی سے کمٹڈ ہیں۔سی آئی اے نے اپنے موقف میں مزید کہا کہ ممکن ہے کہ کسی معاملے پر کوئی افسر اپنی ذاتی رائے بھی رکھتا ہو لیکن وہ رائے ان کی یا سی آئی اے کی غیرجانبداری کو بلکل بھی متاثر نہیں کرتی۔