بورے والا، گاڑی نے سڑک کنارے کھیلتی 5 سالہ معصوم بچی کو کچل دیا

بدھ 29 نومبر 2023 22:34

بورے والا(اُردو پوائنٹ اخبارتازہ ترین - آن لائن۔ 29 نومبر2023ء) نامعلوم گاڑی نے سڑک کنارے کھیلتی 5 سالہ معصوم بچی کو کچل کر موت کی وادی میں پہنچا دیا،حادثے کے بعد گاڑی والا فرار ہوگیا،تفصیلات کے مطابق نواحی علاقہ کوٹ سادات کے رہائشی کسان شوکت علی اپنی بچی 5 سالہ صبیحہ شوکت کے ساتھ لڈن روڈ اڈا ساتواں میل پر موجود تھا کہ بچی کھیلتی ہوئی سڑک کنارے گئی تو اچانک ایک تیز رفتار گاڑی نے اسے بری طرح کچل دیا اور ڈرائیور گاڑی سمیت موقع سے فرار ہوگیا بچی موقع پر ہی جانبحق ہوگئی پھول جیسی معصوم بچی کی اس المناک موت پر والد پر غشی کے دوڑے پڑے بچی کو آہوں اور سسکیوں میں سپرد خاک کردیا گیا۔