5 وومن سمنٹ کے انعقاد کا مقصد مختلف شعبوں میں نمایاں کارکردگی کا مظاہرہ کرنے والی خواتین کی حوصلہ افزائی کرنا اور ان کو پلیٹ فارم مہیا کرنا ہے، جان اچکزئی

جمعہ 1 دسمبر 2023 00:20

9کوئٹہ (اُردو پوائنٹ اخبارتازہ ترین - آن لائن۔ 01 دسمبر2023ء) نگران صوبائی وزیر اطلاعات بلوچستان جان اچکزئی نے کہا ہے کہ منسٹری آف انفارمیشن حکومت بلوچستان صوبے کے 15 اضلاع میں وومن سمنٹ کا انعقاد کرنے جا رہی ہے۔ ان وومن سمنٹ کے انعقاد کا مقصد مختلف شعبوں میں نمایاں کارکردگی کا مظاہرہ کرنے والی خواتین کی حوصلہ افزائی کرنا اور ان کو پلیٹ فارم مہیا کرنا ہے جس کے ذریعے وہ اپنے ٹیلنٹ کو بہتر انداز میں استعمال کرتے ہویے ملک اور صوبے کی ترقی میں اپنا مثبت کردار ادا کر سکیں گی۔

خواتین سمنٹ سے خواتین کو مثبت امید اور ایک پلیٹ فارم فراہم کرنے کے ساتھ ساتھ ان کو ایک دوسرے کے ساتھ جڑے رہنے میں بھی مدد ملے گی۔ نگران صوبائی وزیر اطلاعات بلوچستان جان اچکزئی نے کہا کہ انفارمیشن منسٹری صوبے میں خواتین کی حوصلہ افزائی کرنے اور ان کو مؤثر پلیٹ فارم کی فراہمی کیلئے کوشاں ہے۔

(جاری ہے)

صوبے کے 15 اضلاع جس میں کوئٹہ، ژوب، موسیٰ خیل، پشین، کیچ، پنجگور، لسبیلہ، خضدار، نوشکی، خاران، چمن، قلہ عبداللہ، ڈیرا بگٹی، آواران اور کوہلو شامل ہیں جہاں منسٹری آف انفارمیشن بلوچستان، پاکستان پاورٹی ایلیویشن فنڈ کے ساتھ مل کر وومن سمنٹ کا انعقاد کرنے جا رہی ہے جس میں خواتین کی بھرپور حوصلہ افزائی کی جائے گی اور کامیاب کاروباری خواتین کو مالی معاونت بھی فراہم کی جائے گی۔

ان وومن سمنٹ سے نا صرف صوبے کا مثبت امیج اجاگر کرنے میں مدد ملے گی بلکہ خواتینِ کو آگے بڑھانے کے نئے مواقعے تلاش کرنیں میں بھی آسانی ہو گی۔ صوبائی وزیر جان اچکزئی نے امید ظاہر کی کہ یہ وومن سمنٹس صوبے کی ترقی و خوشحالی میں اپنا کردار ادا کرنے میں مثبت سنگ میل ثابت ہوں گی۔ ان خواتین سمٹس کا انعقاد منسٹری آف انفارمیشن بلوچستان اور پاکستان پاورٹی ایلیویشن فنڈز کی مشترکہ کاوشوں سے ہو رہا ہے جس میں پاکستان پاورٹی ایلیویشن فنڈز ایک مثبت پارٹنرز کا کردار ادا کر رہا ہی