اے سی سی انڈر19 ایشیا کپ کے لیے پاکستان انڈر19 ٹیم کا اعلان

جمعہ 1 دسمبر 2023 21:22

لاہور (اُردو پوائنٹ اخبارتازہ ترین - آن لائن۔ 01 دسمبر2023ء) اے سی سی انڈر19 ایشیا کپ کیلئے پاکستان انڈر 19 ٹیم کا اعلان کر دیا گیا ،سعد بیگ اے سی سی انڈر19 ایشیا کپ میں پاکستان انڈر19 ٹیم کی قیادت جاری رکھیں گے۔ یہ ٹورنامنٹ 8 سے 17 دسمبر تک دبئی انٹرنیشنل اسٹیڈیم دبئی میں کھیلا جائے گا۔سہیل تنویر کی سربراہی میں قائم جونیئر سلیکشن کمیٹی نے ٹورنامنٹ کے لیی15 رکنی اسکواڈ کو بھی حتمی شکل دے دی ہے۔

سعد بیگ اس سے قبل بنگلہ دیش کے دورے اور سری لنکا کے خلاف ہوم سیریز میں پاکستان انڈر 19 ٹیم کی قیادت کرچکے ہیں۔پاکستان انڈر19 ٹیم کو گروپ اے میں انڈیا انڈر 19، افغانستان انڈر19 اور نیپال انڈر19 کے ساتھ رکھا گیا ہے۔پاکستان انڈر ٹیم پہلا میچ 8 دسمبر کو نیپال کے خلاف کھیلے گی۔

(جاری ہے)

انڈیا کے خلاف اس کا میچ10دسمبر کو ہوگا جبکہ افغانستان سے اس کا میچ 12 دسمبر کو ہوگا۔

پاکستان انڈر 19 ٹیم کے کھلاڑیوں میں سعد بیگ ( کپتان، وکٹ کیپر)، احمد حسین، علی اسفند، عامرحسن، عرفات منہاس ( نائب کپتان )، اذان اویس، خبیب خلیل، نجب خان، نوید احمد خان، محمد ریاض اللہ، محمد طیب، محمد ذیشان، شاہ زیب خان، شامل حسین اور عبید شاہ شامل ہیں جبکہ نان ٹریولنگ ریزروز میں احمد حسن، ایمل خان، عبید شاہد اور محمد ذولکفل ہیں ۔سپورٹ اسٹاف میں شعیب محمد ( منیجر )، محمد یوسف ( ہیڈ کوچ )، ریحان ریاض ( بولنگ کوچ )، منصور امجد ( فیلڈنگ کوچ )، محمد مسرور ( اسسٹنٹ بیٹنگ کوچ )، عمر راشد ڈار ( اسسٹنٹ کوچ )، حافظ نعیم الرسول ( فزیو )، عثمان ہاشمی ( انالسٹ )، عمران اللہ ( ٹرینر)، محمد ارسلان شامل ہیں ۔