وفاقی دارالحکومت میں پولن کی مجموعی مقدار میں معمولی کمی ریکارڈ کی گئی، محکمہ موسمیات

جمعہ 1 دسمبر 2023 23:36

اسلام آباد (اُردو پوائنٹ اخبارتازہ ترین - اے پی پی۔ 01 دسمبر2023ء) وفاقی دارالحکومت اسلام آباد میں پولن کی مجموعی مقدار میں معمولی کمی ریکارڈ کی گئی ہے جبکہ فضا میں پولن کا تناسب بھی نچلی سطح پر رہا۔

(جاری ہے)

محکمہ موسمیات کے مطابق گزشتہ 24 گھنٹوں کے دوران بارش کے بعد وفاقی دارالحکومت کے مختلف سیکٹرز میں پولن کی مجموعی مقدار 36 سے کم ہو کر 28 پولن فی مکعب میٹر ریکارڈ کی گئی۔ جنگلی شہتوت اور گھاس سمیت دیگر پودوں کے پولن کی مقدار صفر رہی جبکہ فنجائی کی مختلف اقسام کے پولن کی مقدار 28 فی مکعب میٹر ریکارڈ کی گئی ہے۔