‘ سیکرٹری صحت بلوچستان کی زیر صدارت ورلڈ فوڈ پروگرام کے حوالے سے میٹنگ ، بلوچستان میں جاری منصوبوں پر جامع بریفنگ دی گئی

پیر 4 دسمبر 2023 21:35

کوئٹہ(اُردو پوائنٹ اخبارتازہ ترین - آن لائن۔ 04 دسمبر2023ء) سیکرٹری صحت بلوچستان عبداللہ خان کی زیر صدارت ورلڈ فوڈ پروگرام کے حوالے سے ایک میٹنگ منعقد ہوئی میٹنگ میں ایڈیشنل سیکرٹری صحت عارف خان، صوبائی سربراہ ورلڈ فوڈ پروگرام ڈاکٹر فاریہ احسان، پروگرام پالیسی آفیسر ورلڈ فوڈ پروگرام ڈاکٹر شہک ریاض بلوچ، مظہر بلوچ، پلاننگ آفیسر ڈاکٹر شاکو، پروگرام ایسوسی ایٹ احسن، ورلڈ فوڈ پروگرام سیکیورٹی و لائزن آفیسر غلام حیدر اور اسٹاف آفیسر سیکرٹری ہیلتھ شوکت بلوچ نے شرکت کی صوبائی سربراہ ورلڈ فوڈ پروگرام ڈاکٹر فاریہ احسان نے سیکرٹری صحت عبداللہ خان کو بلوچستان میں جاری منصوبوں پر جامع بریفنگ دیتے ہوے بتایا کہ ورلڈ فوڈ پروگرام بینظیر نشوونما پروگرام اور نیوٹریشن (پریونٹیو اینڈ سپلیمنٹیشن) کے ذریعے کمیونٹی مڈوائف کے ذریعے صحت کے نظام کو مضبوط بنانے پر توجہ مرکوز کر رہا ہے ورلڈ فوڈ پروگرام 31 مارچ 2024 تک بلوچستان بھر میں پہلے سے موجود 72 جدید ترین سہولیاتی مراکز سے اپنے بینظیر نشوونما پروگرام کو وسعت دے رہا ہے سیکرٹری صحت عبداللہ خان نے کہا کہ بلوچستان میں نیوٹریشن سے متعلق یو این کے مختلف اداروں کے اقدامات کو یکجا کرنے کی ضرورت ہے بلوچستان پہلا صوبہ ہے جہاں نیوٹریشن سے متعلق امور کو نبھانے کے لیے نیوٹریشن ڈائریکٹوریٹ قائم کیا گیا ہے بچوں میں غذائی قلت کے مسائل سے نمٹنے کے ساتھ ساتھ نو عمر بچوں اور بچیوں سے متعلق بھی ورلڈ فوڈ پروگرام کے ذریعے نیوٹریشن پروگرام کو موثر بنایا جاررہا ہیموجودہ صوبائی حکومت نیوٹریشن سے متعلق جاری اقدامات کے دائرہ کار کو تمام اضلاع تک منتقلی کے اقدامات کر رہی ہیں سیکرٹری صحت بلوچستان عبداللہ خان نے بل ورلڈ فوڈ پروگرام کی کارکردگی کو سراہا اور کہا کہ وہ امید کرتے ہے ورلڈ فوڈ پروگرام مستقبل میں بھی محکمہ صحت بلوچستان کی معاونت جاری رکہے ہوئے ہیں