اداکار رنبیر کپور کی فلم ’’اینیمل‘‘ نے شاہ رخ خان کی ’’پٹھان‘‘ کو پیچھے چھوڑ دیا

منگل 5 دسمبر 2023 23:24

ممبئی (اُردو پوائنٹ اخبارتازہ ترین - آن لائن۔ 05 دسمبر2023ء) بالی ووڈ سپر سٹار رنبیر کپور کی میگا تھرلر ایکشن فلم انیمل نے شاہ رخ خان کی بلاک بسٹر فلم پٹھان کو شکست دے دی ہے۔

(جاری ہے)

بھارتی میڈیا کے مطابق یکم دسمبر کو ریلیز ہونے والی رنبیر کپور کی فلم انیمل نے صرف تین دن میں پوری دنیا میں مجموعی طور پر 360 کروڑ روپے کا بزنس کرلیا ہے جس کے بعد یہ جوان کے بعد دوسری بالی ووڈ فلم بن گئی ہے جس نے ریلیز کے صرف تین دن میں 300 کروڑ سے زائد کا بزنس کیا ہو۔

تین سو کروڑ کا سنگِ میل عبور کرکے انیمل نے بالی ووڈ کنگ شاہ رخ خان کی فلم پٹھان کو پیچھے چھوڑ دیا ہے، پٹھان کا باکس آفس پر تین دن کا کلیکشن 313 کروڑ تھا جبکہ یہ بھی کہا جارہا ہے کہ شاید رنبیر کپور کی انیمل شاہ رخ خان کی دوسری سپر ہٹ فلم جوان کو بھی مات دے سکتی ہے۔ سندیپ ریڈی وانگا کی ہدایت کاری میں بننے والی اس فلم میں رنبیر کپور، انیل کپور، بوبی دیول اور رشمیکا مندانا سمیت دیگر اداکاروں کو کاسٹ کیا گیا۔