ملین پاؤنڈ اسکینڈل میں بانی چیئرمین پی ٹی آئی اور بشریٰ بی بی کی ضمانتوں میں 13 دسمبر تک توسیع

بدھ 6 دسمبر 2023 16:37

راولپنڈی (اُردو پوائنٹ اخبارتازہ ترین - این این آئی۔ 06 دسمبر2023ء) 190 ملین پاؤنڈ اسکینڈل میں بانی چیئرمین پی ٹی آئی اور بشریٰ بی بی کی ضمانتوں میں 13 دسمبر تک توسیع کر دی گئی ۔بانی چیئرمین پی ٹی آئی کے خلاف 190 ملین پاؤنڈ اسکینڈل کیس کی سماعت راولپنڈی کی اڈیالہ جیل میں احتساب عدالت کے جج محمد بشیر نے کی۔

(جاری ہے)

بانی چیئرمین پی ٹی آئی اور بشریٰ بی بی کی ضمانتوں میں 13 دسمبر تک توسیع کردی گئی۔بانی چیئرمین پی ٹی آئی، بشریٰ بی بی اور نیب پراسیکیوٹر سردار مظفر عباسی کمرہ عدالت میں موجود تھے۔بانی چیئرمین پی ٹی آئی کی بہنیں علیمہ خان اور عظمیٰ خان بھی کمرہ عدالت میں موجود تھیں۔بانی چیئرمین پی ٹی آئی اور بشریٰ بی بی کے وکیل لطیف کھوسہ بھی کمرہ عدالت میں موجود تھے۔