مقبوضہ جموںوکشمیر: محققین نے نایاب مکھی دریافت کی

جمعرات 7 دسمبر 2023 14:11

سرینگر(اُردو پوائنٹ اخبارتازہ ترین - این این آئی۔ 07 دسمبر2023ء) بھارت کے غیر قانونی زیر قبضہ جموںوکشمیر میں کشمیری محققین نے ایک نایاب مکھی دریافت کی ہے جسکا غذائیت سے متعلق سائیکلنگ میں ایک بڑا کردا رہے۔کشمیر میڈیاسروس کے مطابق Stratiomys Brunettii نامی اس مکھی کو کشمیری محققین فردوس یتو، عامر مقبول اور اعزاز احمد واچکو نے دریافت کیا ہے ۔ انہوں نے اس مکھی کو مقبوضہ وادی کشمیر کے علاقوں احربل ، لاڈی آنگن اور گلمرگ میںتلاش کیا ہے ۔

(جاری ہے)

ان تینوں کی یہ دریافت یورپی جرنل آف ٹیکسونومی میں شائع ہوئی ہے۔ صہیب فردوس نے اس حوالے سے ذرائع ابلاغ کو بتایا کہ وہ اکثرمکھیوں کی نئی نسلیں دریافت کرنے کی مہم چلاتے ہیں اور انہوں نے یہ مکھیاں2021میں اپنی مہم کے دوران جمع کی تھیں۔ انہوںنے کہا کہ متحرک رنگوں والی لیکن نایاب مکھیوں کی اس نئی نسل کے نمونے شمال مغربی ہمالیہ (اہربل ، لاڈی آنگن ، گلمرگ ) سے جمع کیے گئے تھے۔ انہوںنے کہا کہ یہ نایاب مکھی جو بنیادی طور پر یورپ سے تعلق رکھتی ہے کشمیر میں بہتے پانی کے آس پاس اونچائی پر پائی جاتی ہے۔

Facebook Twitter Google + Share on Whatsapp

مقبوضہ جموںوکشمیر: محققین نے نایاب مکھی دریافت کی

متعلقہ عنوان :

مزید کشمیر کی خبریں