ڈنمارک میں قرآن پاک کی بیحرمتی غیرقانونی قرار، سزا کا قانون منظور

قرآن مجید کی بے حرمتی قانون کا مقصد بے حرمتی کو روکنا ہے، ڈینش وزارت انصاف

جمعہ 8 دسمبر 2023 21:45

ڈنمارک میں قرآن پاک کی بیحرمتی غیرقانونی قرار، سزا کا قانون منظور

کوپن ہیگن(اُردو پوائنٹ اخبارتازہ ترین - آن لائن۔ 08 دسمبر2023ء) اسلامو فوبیا کے خلاف پاکستان کی عالمی سطح پر کوششیں اثر دکھانے لگی ہیں جس کے پیش نظر ڈنمارک کی پارلیمنٹ نے قرآن پاک کی بیحرمتی غیرقانونی قرار دے دی ہے۔

(جاری ہے)

غیرملکی خبررساں ادارے کے مطابق پارلیمان نے سزا کا قانون منظور کرتے ہوئے کہا کہ قرآن پاک کی بے حرمتی کرنے والے کو دو سال تک قید، جرمانہ یا دونوں سزائیں ہوں گی۔

بل کے حق میں 94 ارکان نے ووٹ دیا، جبکہ قانون کا اطلاق مقدس کتابوں کی بے حرمتی سے متعلق ویڈیوز پر بھی ہوگا۔ ڈینش وزارت انصاف وقانون کے مطابق قانون کا مقصد منظم انداز میں کی جانے والی بے حرمتی کو روکنا ہے۔رواں برس ڈنمارک اور سویڈن میں عوامی مقامات پر مقدس کتاب کی بے حرمتی کی گئی تھی۔۔ پاکستان سمیت مسلم دنیا کی جانب سے شدید احتجاج کیا گیا تھا۔