طلاق کی افواہیں، امیتابھ بچن نے ایشوریا رائے کو اًن فالو کردیا

جمعہ 8 دسمبر 2023 22:37

ممبئی (اُردو پوائنٹ اخبارتازہ ترین - آن لائن۔ 08 دسمبر2023ء) بالی ووڈ کی مقبول ترین جوڑی ایشوریا رائے اور ابھیشیک بچن کی طلاق کے افواہوں کے دوران امیتابھ بچن نے اپنی بہو کو سوشل میڈیا سے اًن فالو کردیا۔ایشوریا رائے اور ابھیشیک بچن کی طلاق کی افواہیں کئی بار میڈیا پر آئی ہیں، یہ خبریں بھی سامنے آئی تھیں کہ اداکارہ کے بچن فیملی کے ساتھ تعلقات خراب چل رہے ہیں۔

انہی افواہوں کے دوران، حال ہی میں ایشوریا رائے اور ابھیشیک بچن کو اپنی فیملی کے ہمراہ بالی ووڈ کنگ شاہ رخ خان کی بیٹی سہانا خان کی پہلی فلم دی آرچیز کے پریمیئر پر دیکھا گیا۔

(جاری ہے)

ایشوریا رائے اور ابھیشیک بچن کو طویل عرصے بعد عوامی تقریب میں ایک ساتھ دیکھنے کے بعد دونوں کی طلاق کی افواہوں میں تو کمی ا?گئی لیکن اب ایشوریا اور امیتابھ بچن کے حوالے سے نئی خبر سامنے آئی ہے۔

بھارتی میڈیا کے مطابق امیتابھ بچن نے اپنے آفیشل انسٹاگرام اکاو نٹ سے اپنی بہو ایشوریا رائے کو اًن فالو کردیا ہے۔یہ خبر جیسے ہی سوشل میڈیا پر وائرل ہوئی تو صارفین نے کہا کہ ایشوریا رائے اور بچن فیملی کے درمیان کچھ گڑبڑ چل رہی ہے جبکہ کچھ صارفین نے یہ بھی دعویٰ کیا کہ امیتابھ بچن اور ایشوریا رائے نے انسٹاگرام پر کبھی ایک دوسرے کو فالو کیا ہی نہیں تھا۔