جماعت اسلامی نے آئندہ عام انتخابات کے لیے قومی اسمبلی کے 241 حلقوں کے لیے ٹکٹ ہولڈرز کی فہرست جاری کر دی

پیر 15 جنوری 2024 20:50

اسلام آباد (اُردو پوائنٹ اخبارتازہ ترین - اے پی پی۔ 15 جنوری2024ء) جماعت اسلامی نے آئندہ عام انتخابات کے لیے قومی اسمبلی کے 241 حلقوں کے لیے ٹکٹ ہولڈرز کی فہرست جاری کر دی۔

(جاری ہے)

پیر کو جماعت اسلامی کی جانب سے جاری کردہ فہرست کے مطابق وفاقی دارالحکومت اسلام آباد سے قومی اسمبلی کے 3 حلقوں، خیبرپختونخوا سے قومی اسمبلی کے 44 حلقوں، پنجاب سے قومی اسمبلی کے 126 حلقوں، سندھ سے قومی اسمبلی کے 55 حلقوں اور بلوچستان سے قومی اسمبلی کے 13 حلقوں کے لیے امیداروں کو ٹکٹ جاری کیے گئے ہیں۔

امیر جماعت اسلامی سراج الحق لوئر دیر I (این اے 6) سے انتخابات میں حصہ لیں گے۔ وفاقی دارالحکومت اسلام آباد کے حلقہ این اے 46 سے نائب امیر جماعت اسلامی میاں محمد اسلم، این اے 47 سے محمد کاشف چوہدری اور این اے 48 سے ملک عبدالعزیز امیدوار ہوں گے۔ لاہور کے حلقہ این اے 123 سے جماعت اسلامی کے نائب امیر لیاقت بلوچ اور لاہور کے حلقہ این اے 126 سے جماعت اسلامی کے سیکرٹری جنرل امیر العظیم امیدوار ہوں گے۔