آئندہ چوبیس گھنٹوں کے دوران پنجاب کے بیشتر شہروں میں موسم شدیدسرد وخشک رہے گا ،محکمہ موسمیات

منگل 6 فروری 2024 22:40

لاہور (اُردو پوائنٹ اخبارتازہ ترین - اے پی پی۔ 06 فروری2024ء) محکمہ موسمیات کی پیشن گوئی کے مطابق آئندہ چوبیس گھنٹوں کے دوران پنجاب کے بیشتر شہروں میں موسم شدیدسرد وخشک رہنے جبکہ لا ہور سمیت میدانی علاقوں میں ہلکی دھند پڑنے کا امکان ہے۔

(جاری ہے)

ترجمان کے مطابق آئندہ چوبیس گھنٹوں کے دوران صبح اور رات کے اوقات میں لاہور، سیالکوٹ، گوجرانوالہ،نارووال،سرگودھا، اوکاڑہ،فیصل آباد، ٹوبہ ٹیک سنگھ،جھنگ،خانیوال ،ملتان ، بہا ولپور ، ڈیرہ غا زی خان اور گر دو نواح میں ہلکی دھند چھائے رہنے کاا مکان ہے ۔

ترجمان کے مطابق لاہور میں کم سے کم درجہ حرارت 07جبکہ زیادہ سے زیادہ 17سینٹی گریڈ ریکارڈ کیا گیا، ہوا میں نمی کا تناسب 60فیصد رہا،لا ہور میں آلودگی کی مجموعی شرح 154رہی،اسی طرح شہر کے دیگر علاقوں پو لو گراؤنڈ میں 154، فیز8ڈی ایچ اے 154،فیز 8ایوی گرین 157،سی ای آر پی آفس 154،سید فدا حسین ہاؤس 155،،ذکی فارمز 184اورپاکستان انجینئرنگ سروسزمیں 164 ائیر کوالٹی انڈیکس ریکارڈ کیا گیا۔