پی ٹی آئی رہنما علی محمد خان نیجیت کے بعد مخالف امیدوار کی طرف تعاون کا ہاتھ بڑھا دیا

پیر 12 فروری 2024 18:00

پشاور (اُردو پوائنٹ اخبارتازہ ترین - این این آئی۔ 12 فروری2024ء) پاکستان تحریک انصاف کے رہنما علی محمد خان نے مردان کے ووٹرز اور پی ٹی آئی کارکنان سے اظہار تشکر کرتے ہوئے کہا ہے عوام نے مشکل ترین مہم میں 1 لاکھ سے زیادہ ووٹ دے کر 68 ہزار کی لیڈ سے جتوایا۔اس موقع پر گفتگو میں انہوں نے کہا کہ کہ مشکل حالات میں صرف 14 دن کی مہم میں 100 سے زائد جلسے کیے، میں مردان کے غیورعوام اور پی ٹی آئی کارکنان کا بے حد مشکور ہوں۔

(جاری ہے)

انہوں نے کہا کہ این اے 23 مردان کے مد مقابل امیدوار میرے لیے قابل احترام بھائی ہیں، دیگرجماعتوں کے کارکن بھی میرے چھوٹے بھائی ہیں، الیکشن ہوگیا اور ایک جمہوری عمل مکمل ہوا، علاقہ کی ترقی کیلئے ہمیشہ دوستی اور تعاون کا ہاتھ بڑھاں گا۔علی محمد خان نے کہا کہ علاقے کی ترقی میں دیگر جماعتوں کی رائے کی قدر کروں گا، میرے حجرے اور میرے دل کے دروازے آپ کو ہمیشہ کھلے ملیں گے، مل کر مردان شہر کو ترقی اور اخلاق کا گہوارا بنائیں گے۔