آئندہ 24 گھنٹوں کے دوران لاہور سمیت پنجاب کے بیشتر علاقوں میں موسم سرد اورخشک رہے گا،محکمہ موسمیات

منگل 13 فروری 2024 22:19

لاہور (اُردو پوائنٹ اخبارتازہ ترین - اے پی پی۔ 13 فروری2024ء) محکمہ موسمیات کی پیش گوئی کے مطابق آئندہ 24 گھنٹوں کے دوران صوبائی دارالحکومت لاہور سمیت پنجاب کے بیشتر علاقوں میں موسم سرداورخشک رہنے کا امکان ہے۔ترجمان کے مطابق آئندہ 24 گھنٹوں کے دوران صبح اور رات کے اوقات میں حافظ آ باد، لاہور،سیالکوٹ،گوجرانوالہ،نارووال،شیخوپورہ اور گر دو نواح میں ہلکی دھند پڑنے کاا مکان ہے ۔

(جاری ہے)

گزشتہ روز پنجاب کے بیشتر علاقوں میں موسم سرد اور مطلع ابرآلود رہا ۔ترجمان کے مطابق لاہور میں کم سے کم درجہ حرارت 09جبکہ زیادہ سے زیادہ 21سینٹی گریڈ ریکارڈ کیا گیا، ہوا میں نمی کا تناسب 57فیصد رہا،لا ہور میں آلودگی کی مجموعی شرح 169رہی،اسی طرح شہر کے دیگر علاقوں یو ایس قونصلیٹ میں 186،ریوی نیو سوسائٹی 198،فیز8ڈی ایچ اے 171،ٹھوکر نیاز بیگ 187،سیدمراتب علی روڈ178،یو ایم ٹی 194اورذکی فارمز میں 191 ائیر کوالٹی انڈیکس ریکارڈ کیا گیا۔