گزشتہ چوبیس گھنٹوں کے دوران پنجاب بھرمیں 1125ٹریفک حادثات میں06افراد جاں بحق، 1172زخمی

منگل 20 فروری 2024 21:22

لاہور (اُردو پوائنٹ اخبارتازہ ترین - اے پی پی۔ 20 فروری2024ء) گزشتہ چوبیس گھنٹوں کےدوران پنجاب بھرمیں 1125ٹریفک حادثات میں06افراد جاں بحق1172زخمی ہوئے۔

(جاری ہے)

ایمرجنسی سروسز ڈیپارٹمنٹ نے گذ شتہ 24گھنٹوں کے دوران پنجاب بھر میں 1125ٹریفک حادثات پر ریسپانڈ کیا ،جن میں530افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا، 642معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا، ان حادثات میں زیادہ تر تعداد (72فیصد)موٹر سائیکلز حادثات کی ہے ۔

ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں606ڈرائیوز،34کم عمرڈرائیور، 416 مسافر اور 156 پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ272ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت281متاثرین کے ساتھ پہلے، فیصل آباد91حادثات میں103متاثرین کے ساتھ دوسر ے جبکہ ملتان77حادثات میں71متاثرین کے سا تھ تیسرے نمبرپررہا۔