یمن کو اسلحہ اسمگلنگ کرنے کا الزام، پاکستانی شناختی دستاویز رکھنے والے 4 افراد گرفتار

منگل 27 فروری 2024 17:34

واشنگٹن (اُردو پوائنٹ اخبارتازہ ترین - این این آئی۔ 27 فروری2024ء) امریکی حکام نے یمن کو اسلحہ اسمگلنگ کرنے کے الزام میں پاکستان کی شناختی دستاویز رکھنے والے 4 افراد سمیت 14 ملزمان کو گرفتار کرلیا۔گرفتارافراد کی شناخت محمد پہلوان، محمدمظہر،غفران اللہ اور اظہار محمد کے ناموں سے ظاہر کی گئی ہے۔ایران سے حوثیوں کو اسلحہ اسمگل کرنے کے الزام میں گرفتار دیگر 10 افراد کی شناخت ظاہر نہیں کی گئی،گرفتار افراد امریکی ریاست ورجینیا منتقل کیے گئے ہیں۔

(جاری ہے)

عدالتی دستاویز کے مطابق چاروں افراد 11جنوری کو صومالیہ کے ساحل سے دور ایک بحری جہاز سے پکڑے گئے۔امریکی حکام نے دعوی ٰ کیاکہ جہاز کی تلاشی کے دوران ایرانی ساختہ جدید ہتھیار بھی برآمد ہوئے۔عدالتی دستاویز کے مطابق ہتھیاروں میں میڈیم رینج بیلسٹک میزائل،اینٹی کروز شپ میزائل شامل ہیں۔ترجمان امریکی محکمہ خارجہ کے مطابق امریکی محکمہ انصاف نے غیر سیل شدہ فرد جرم پر بیان جاری کرتے ہوئے کہا کہ یہ ایک جاری قانونی معاملہ ہے، مزید تبصرہ نہیں کرسکتے۔