اسرائیلی سفارت خانے کے سامنے فلسطین کے حق میں احتجاجی مظاہرے کے دوران خود کو آگ لگانے والے امریکی فضائیہ کے اہلکار ایرون بیشنل جاں بحق
فلسطینی عوام کی نسل کشی کے خلاف ایک انتہائی اقدام کرنے کا منصوبہ بنا رہا ہوں.ایرون بیشنل کا خودکشی سے پہلے مختلف میڈیا ہاوسزکو ای میل پیغام‘ پولیس، سیکرٹ سروس اور دیگر حکام اس معاملے کی تحقیقات کر رہے ہیں پیش آنے والا واقعے افسوسناک ہے.ترجمان پینٹاگون
میاں محمد ندیم بدھ 28 فروری 2024 12:48
(جاری ہے)
امریکی فضائیہ کے اہلکار ایرون بیشنل نے اپنے آپ کو آگ لگانے کی ویڈیو کو ٹوئچ پر لائیو سٹریم بھی کیا جس میں انہوں نے اپنا تعارف کروایا اور بتایا کہ وہ امریکی ایئرفورس کے حاضر سروس اہلکار ہیں خود کو آگ لگانے سے پہلے انہوں نے کہا کہ وہ فلسطینوں کی نسل کشی کے عمل میں مزید شریک نہیں ہوں گے‘ جب آگ نے ان کے جسم کو اپنی لپیٹ میں لیا تو اس موقع پر ویڈیو میں انہیں ”فلسطین کو آزاد کرو“ کا نعرہ لگاتے ہوئے سنا گیا.
اس واقعے کی اطلاع ملنے کے بعد جائے وقوعہ پر بم ڈسپوزل یونٹ کے اہلکاروں کو بھی بھیجا گیا کیونکہ حکام کو اس اہلکار سے منسلک ایک گاڑی کی موجودگی کے حوالے سے شبہ بھی تھا اس واقعے میں اسرائیلی سفارتخانے کا کوئی اہلکار زخمی نہیں ہوا جبکہ اس علاقے سے کوئی خطرناک مواد بھی برآمد نہیں ہوا اور اسے محفوظ قرار دیا گیا . سفارت خانے کے ترجمان نے بتایا کہ اس واقعے میں سفارت خانے کے عملے کا کوئی رکن زخمی نہیں ہوا اسرائیلی وزارت خارجہ نے کہا کہ سفارتخانے کا عملہ اس شخص سے واقف نہیں تھا یہ پہلا موقع نہیں جب کسی شخص نے امریکا میں اسرائیلی سفارتی مشن کے سامنے خود سوزی کی کوشش کی ہو. گذشتہ سال دسمبر میں امریکی ریاست جارجیا میں اسرائیلی قونصل خانے کے سامنے مظاہرہ کرنے والے ایک شخص نے خود کو آگ لگا لی تھی پولیس کا کہنا ہے کہ اس شخص نے اپنے آپ کو آگ لگانے کے لیے پیٹرول کا استعمال کیا تھا جبکہ حکام کو جائے وقوعہ سے فلسطینی پرچم بھی ملا تھا ایرون بشنیل نے خود کو آگ لگاتے وقت فوجی وردی پہن رکھی تھی خود سوزی سے قبل انھوں نے کئی صحافیوں کے ساتھ ساتھ بائیں بازو کی نیوز ویب سائٹس کو بھی ای میلز بھیجیں ای میل موصول کرنے والے گروپوں میں سے ایک اٹلانٹا کمیونٹی پریس کلیکٹو نے برطانوی نشریاتی ادارے” بی بی سی“ کو اس ای میل کی ایک کاپی فراہم کی. اس ای میل میں ایرون نے متنبہ کیا کہ آج میں فلسطینی عوام کی نسل کشی کے خلاف ایک انتہائی اقدام کرنے کا منصوبہ بنا رہا ہوں یہ انتہائی پریشان کن ہو گاایرون بشنیل کی پیدائش ریاست ٹیکساس کے شہر سان انتونیو میں ہوئی اور وہ میساچوسٹس میں پلے بڑھے، جہاں انہوں نے کیپ کوڈ جزیرہ نما کے سرکاری سکولوں میں تعلیم حاصل کی سکول کے لنکڈن پروفائل سے یہ پتہ چلتا ہے کہ انہوں نے نومبر 2020 میں ایئر فورس کی بنیادی تربیت اعلیٰ اعزاز کے ساتھ مکمل کی تھی اور وہ اسے پروگرامنگ انجینئرنگ میں منتقل کرنے کا متمنی تھے. ایئر فورس نے اندرونی خاندانی نوٹیفکیشن پالیسیوں کا حوالہ دیتے ہوئے کہا کہ ادارے کے ساتھ ایرون بشنیل کے تعلقات کے بارے میں تفصیلات کی تصدیق نہیں کرے گی لیکن فوجی اخبار سٹارز اینڈ سٹرپس نے رپورٹ کیا کہ اس نے سینیئر ایئر مین کا عہدہ حاصل کر لیا تھا واشنگٹن پولیس نے کہا کہ وہ دیگر اداروں کے ساتھ مل کر اس واقعے کی تحقیقات کر رہی ہے.مزید اہم خبریں
-
حکومت کا غیرملکیوں کی سکیورٹی کیلئے سپیشل پروٹیکشن فورس بنانے کا فیصلہ
-
پی ڈی ایم 2حکومت آنے سے شریفوں کی معیشت ٹھیک ہوگی،علی امین گنڈا پور
-
پورے پاکستان میں ہم پر بے بنیاد مقدمات بنائے گئے ہیں،عمر ایوب
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.