پنجاب میں کارکردگی کاغذوں میں نہیں گراؤنڈ پر نظر آئے گی:حنا پرویز بٹ

جمعرات 7 مارچ 2024 21:52

لاہور (اُردو پوائنٹ اخبارتازہ ترین - آن لائن۔ 07 مارچ2024ء) مسلم لیگ(ن) کی رکن پنجاب اسمبلی حنا پرویز بٹ نے کہا ہے کہ مریم نواز باتیں نہیں صرف پریکٹیکلی کام کر رہی ہیں۔ پچھلے دس دنوں میں مریم نواز نے تاریخی اقدامات اٹھائے ہیں۔ رمضان نگہبان پیکیج، پرائس کنٹرول سسٹم، نئے کینسر ہسپتال کا اعلان، سرگودھا میں ہسپتال کا آغاز، خواتین کا تحفظ، یہ چند ایک نمایاں اقدامات ہیں۔

اب پنجاب میں کارکردگی کاغذوں میں نہیں گراؤنڈ پر نظر آئے گی۔عثمان بزدار اور پرویز الٰہی کی حکومتوں کی کارکردگی صرف پیپر ورق تک ہی محدود ہوتی تھی۔ جو وزیراعلیٰ آفس سے باہر نکلیں تو نظر نہیں آتی تھی۔ پنجاب میں چار سال وائٹ پیپر پراجیکٹ کے نام پر اربوں روپے کے گلے کیے گئے۔ جس کا آج تک کسی نے کوئی حساب کتاب نہیں دیا۔

(جاری ہے)

ہم سے رسیدیں مانگنے والے آج اپنی باری آئی ہے تو توشہ خانہ کے تحائف سے لے کر القادر ٹرسٹ کی اربوں روپے کی زمین تک کسی کے پاس کوئی رسیدیں نہیں ہے۔

انہوں نے مزید کہا خود کو گھریلو خاتون کہنے والی نام نہاد مرشد نے توشہ خانہ سے 74 کروڑ روپے کے قیمتی تحائف لوٹ لیے اس کے باوجود بھی وہ آج جیل میں نہیں بنی گالہ میں قید ہے۔عمران خان نے چار سال قوم کو ریاست مدینہ کے نام پر جھانسہ دیا جبکہ وہ بھی توشہ خانہ کا سب سے بڑا چور نکلا۔ دوسروں کو چور چور کہنے والے کا اپنا ٹبر ہی چور نکلا ہے۔