تھانہ آبپارہ پولیس ٹیم نے اسلحہ کی نوک پر شہریوں کو لوٹنے اور چوری کی وارداتوں میں مطلوب منظم گروہ کے دو ارکان گرفتار

د*گرفتار ملزمان کے قبضے سے چھینا گیا موٹر سائیکل اور مال مسروقہ برآمد

اتوار 10 مارچ 2024 19:10

ؒاسلام آباد(اُردو پوائنٹ اخبارتازہ ترین - آن لائن۔ 10 مارچ2024ء) تھانہ آبپارہ پولیس ٹیم نے اسلحہ کی نوک پر شہریوں کو لوٹنے اور چوری کی وارداتوں میں مطلوب منظم گروہ کے دو ارکان کو گرفتار کرلیا۔گرفتار ملزمان کے قبضے سے چھینا گیا موٹر سائیکل اور مال مسروقہ برآمد ہوا۔ملزمان کیخلاف مقدمات درج کرکے مزید تفتیش جاری ہے۔تفصیلات کے مطابق اسلام آباد پولیس کا وفاقی دارلحکومت میں جرائم پیشہ عناصر اور راہزنی کی وارداتوں میں ملوث ملزمان کیخلاف بلاتفریق کارروائیوں کا سلسلہ جاری ہے۔

(جاری ہے)

اس سلسلہ میں تھانہ آبپارہ پولیس نے موثر کارروائی کرتے ہوئے تکنیکی اور انسانی ذرائع کی مدد سے راہزنی اور چوری کی متعدد وارداتوں میں مطلوب منظم گروہوں کے دو ارکان کو گرفتار کرلیا۔گرفتار ملزمان کے قبضے سے چھینا گیا موٹر سائیکل اور مسروقہ بیٹریاں برآمد کرلی گئیں۔گرفتار ملزمان کی شناخت کامران اور ثوبان کے ناموں سے ہوئی ہے۔ ابتدائی تفتیش کے دوران گرفتار ملزمان نے تھانہ آبپارہ کی حدود میں متعدد وارداتیں کرنے کا انکشاف کیا ہے۔ملزمان سے مزید تفتیش جاری ہے۔