تاجر سے ایک کروڑ بھتہ مانگنے والا ملزم زخمی حالت میں گرفتار

ملزم نے بھتہ نہ دینے پر بچوں کو اغوا کرنے کی دھمکی دی،ایس ایس پی

ہفتہ 28 جون 2025 16:48

تاجر سے ایک کروڑ بھتہ مانگنے والا ملزم زخمی حالت میں گرفتار

کراچی (اُردو پوائنٹ اخبارتازہ ترین - این این آئی۔ 28 جون2025ء)کراچی کے تھانہ سچل کی حدود میں تاجر سے ایک کروڑ بھتہ مانگنے والے ملزم کو زخمی حالت میں گرفتار کرلیا گیا۔ایس ایس پی شعیب کے مطابق ملزم کا ساتھی فرار ہو گیا، ملزم نے بھتہ نہ دینے پر بچوں کو اغوا کرنے کی دھمکی دی، نہ دینے پر دھمکی دی بچوں کو اغوا کرنے کے بعد 5 کروڑ دینے ہونگے۔ اس سے قبل کراچی میں رسالہ پولیس نے سنگین واردارتوں اور بھتہ خوری میں ملوث ملزم کو گرفتار کر کے اسلحہ برآمد کیا تھا۔

(جاری ہے)

ملزم نے ساتھیوں کے ہمراہ فورسز کے جوان کو اغوا تشدد کے بعد شہید کردیا تھا، ملزم نے اپنے ساتھیوں کے ساتھ ریلی میں فائرنگ کرکے درجنوں افراد کو قتل اور زخمی کیا تھا۔پولیس کا کہنا ہے کہ ملزم لیاری گینگ وارکے کارندوں کو بھی قتل کرتا تھا، ملزم کو اسلحہ سیاسی جماعت فراہم کرتی تھی، ملزم دوہزار چودہ میں ایران کے راستے ترکی فرار ہوا اور 2019 میں وطن پہنچا، ملزم کے خلاف مقدنہ درج کرلیا گیا۔دوسری جانب کراچی میں سرجانی زنجانیہ موڑ کے قریب مبینہ پولیس مقابلہ میں زخمی دو ڈاکو دوران علاج ہلاک ہوگئے، ملزمان کی شناخت خان محمد اور محمد عارف کے ناموں سے ہوئی، ملزمان روزی موڑ کے قریب شہری سے موٹر سائیکل چھیننے کی کوشش کررہے تھے۔