خیبرپختونخوا میں حالیہ بارشوں سے ہونیوالی نقصانات کی رپورٹ جاری

گزشتہ 48 گھنٹوں کے دوران 19 افراد جان بحق ،چھ زخمی ہوئے، سب سے زیادہ متاثرہ ضلع سوات رہا

ہفتہ 28 جون 2025 20:20

پشاور(اُردو پوائنٹ اخبارتازہ ترین - این این آئی۔ 28 جون2025ء)خیبرپختونخوا میں حالیہ بارشوں سے ہونیوالی نقصانات کی رپورٹ جاری، گزشتہ 48 گھنٹوں کے دوران 19 افراد جان بحق ،چھ زخمی ہوئے، سب سے زیادہ متاثرہ ضلع سوات رہا جس میں 13 افراد جانبحق اور 6 افراد زخمی ہوئے۔

(جاری ہے)

پی ڈی ایم اے کی جانب سے بارش، سیلاب/فلش فلڈ اور لینڈ سلائیڈنگ کے باعث صوبہ میں جانی و مالی نقصانات کی رپورٹ جاری کردی، خیبرپختونخوا میں گزشتہ 48 گھنٹوں کے دوران اب تک 19 افراد جان بحق ہوئے، مختلف حادثات میں 6 افراد زخمی ہوئے، جانبحق افراد میں 6 مرد اور 5 خواتین اور 8 بچے شامل ہے، زخمیوں میں 3 مرد اور 3 خواتین شامل ہیں،مجموعی طور پر 56 گھروں کو نقصان پہنچا جس میں 50 کو جزوی اور 6 مکمل طور پر منہدم ہوے، پی ڈی ایم اے رپورٹ کے مطابق حادثات صوبہ کے مختلف اضلاع سوات، ایبٹ آباد، چارسدہ،ملاکنڈ،شانگلہ، دیر لوئر اور تورغر میں پیش آئے، سب سے زیادہ متاثرہ ضلع سوات رہا جس میں 13 افراد جانبحق اور 6 افراد زخمی ہوئے، متعلقہ ضلعی انتظامیہ کو متاثرہ خاندان کو فوری طور پر امداد اور زخمیوں کو بہترین طبی سہولیات کی فراہمی یقینی بنانے کی ہدایت کی گئی ہے، بارشوں کا سلسلہ یکم جولائی تک جاری رہنے کا امکان ہے، ضلعی انتظامیہ کو الرٹ رہنے اور پیشگی اقدامات اٹھانے کے لئے مراسلہ جاری کیا ہوا ہے، تمام ضلعی انتظامیہ، متعلقہ اور امدادی اداروں کے ساتھ مسلسل رابطے میں ہے، پی ڈی ایم اے کا ایمرجنسی اپریشن سنٹر مکمل طور پر فعال ہے۔