مایہ ناز کرکٹر شاہد آفریدی بھی پنجاب پولیس کے فلاحی اقدامات کے مداح نکلے
شاہد آفریدی کا سابق لیگ سپنر مشتاق احمد کے ہمراہ پولیس اینیمل ریسکیو سنٹر گلبرگ کا دورہ، اپنا خصوصی پیغام بھی ریکارڈ کروایا
شاہد آفریدی نے پولیس اینیمل ریسکیو سنٹر کو بے سہارا، زخمی اور بیمار جانوروں کے علاج و بحالی کیلئے مثالی پراجیکٹ قرار دیا
اتوار 17 مارچ 2024
19:35
لاہور(اُردو پوائنٹ اخبارتازہ ترین - این این آئی۔ 17 مارچ2024ء)
پاکستان کرکٹ ٹیم کے سابق مایہ ناز کرکٹر
شاہد آفریدی بھی
پنجاب پولیس کے فلاحی اقدامات کے مداح نکلے،
شاہد آفریدی نے سابق لیگ سپنر مشتاق احمد کے ہمراہ
پولیس اینیمل ریسکیو سنٹر گلبرگ کا دورہ کیا اور ریسکیو کئے گئے جانوروں کو سنٹر میں فراہم کی جانے والی سہولیات کا جائزہ لیا،
شاہد آفریدی نے
پولیس اینیمل ریسکیو سنٹر کو بے سہارا،
زخمی اور بیمار جانوروں کے
علاج و بحالی کیلئے مثالی پراجیکٹ قرار دیا،
شاہد آفریدی نے
پولیس اینیمل ریسکیو سنٹر کے باہر اپنا خصوصی پیغام بھی
ریکارڈ کروایا۔
شاہد خان آفریدی نے کہا کہ خدمت خلق کے اس اہم سنگ میل اینیمل ریسکیو سنٹر کو ورکنگ میں ہر ممکن سپورٹ فراہم کریں گے۔
(جاری ہے)
اے ایس پی سیدہ شہربانو نقوی اور جے ایف کے کی سی ای او ذوفشاں انوشے نے شاہد آفریدی کو اینیمل ریسکیو سنٹر بارے بریفنگ دیتے ہوئے بتایا کہ پنجاب کے تین شہروں لاہور، گوجرانوالہ اور راولپنڈی میں پنجاب پولیس کے اینیمل ریسکیو سنٹرز فعال ہیں، پولیس اینیمل ریسکیو سنٹرز پنجاب پولیس اور جانوروں کے حقوق کیلئے سرگرم تنظیم کے اشتراک سے قائم کئے گئے ہیں، شہر بانو نقوی نے مزید کہا کہ پولیس اینیمل ریسکیو سنٹرز میں ویٹرنری ڈاکٹرز، ایمبولینس، ریسکیو سٹاف، پولیس ٹیم موجود ہیں، پولیس اینیمل ریسکیو سنٹر بے سہارا، زخمی جانوروں کے علاج معالجے و بحالی میں اہم کردار ادا کر رہا ہے، شاہد خان آفریدی نے پولیس اینیمل ریسکیو سنٹر کو سراہتے ہوئے کہا کہ دیگر صوبوں کو پولیس فورسز اور اداروں کو پنجاب پولیس اینیمل ریسکیو سنٹر جیسے ادارے بنانے چاہئیں،بعد ازاں شاہد آفریدی نے مشتاق احمد کے ہمراہ سپیشل انیشیٹو پولیس اسٹیشن گلبرگ کا بھی دورہ کیا، اے ایس پی گلبرگ سیدہ شہربانو نے شاہد آفریدی کو سپیشل انیشئیٹو پولیس سٹیشن، سائبان دفتر کی ورکنگ بارے آگاہ کیا، شاہد آفریدی نے تھانوں اور پبلک سہولیات مراکز کی اپ گریڈیشن کو احسن اقدام قرار دیتے ہوئے کہا کہ اس اقدام سے صوبہ بھر میں لاکھوں شہری مستفید ہو رہے ہیں۔
