اسلام آباد،ہیوی ٹریفک کی اینٹری 23مارچ کو رات بارہ سے دن دو بجے تک بند

جمعہ 22 مارچ 2024 22:30

اسلام آباد(اُردو پوائنٹ اخبارتازہ ترین - این این آئی۔ 22 مارچ2024ء) اسلام آباد میں ہیوی ٹریفک کی اینٹری (آج)23مارچ کو رات بارہ سے دن دو بجے تک بند رہے گی۔23مارچ کو صبح پانچ سے دوپہر دو بجے تک فیض آباد ہر قسم کی چھوٹی اور بڑی گاڑیوں کے لئے بند رہے گا۔کھنہ پل سے لیکر فیض آباد اور زیرو پوائنٹ تک گاڑیوں کو داخلے کی اجازت نہیں ہوگی۔زیرو پوائنٹ سے فیض آباد اور کھنہ پل جانے والی ٹریفک بھی بند رہے گی۔

راول ڈیم چوک سے فیض آباد تک بھی دوطرفہ ٹریفک بند رہے گی۔

(جاری ہے)

روٹ پلان کے مطابق لاہور سے آنے والی چھوٹی گاڑیاں روات ٹی چوک سے راولپنڈی صدر روڈ سے ہوتی ہوئی پشاور جی ٹی روڈ اور موٹر وے پر جاسکیں گی۔کورال چوک اور راولپنڈی سے آنے والی ٹریفک ایکسپریس وے سے کھنہ پل، لہتراڑ روڈ ، پارک روڈ سے ہوتی ہوئی اسلام آباد میں داخل ہوسکے گی۔چھوٹی گاڑیاں کشمیر چوک سے مڑتے ہوئے بہارہ کہو اور مری جاسکتی ہیں۔راولپنڈی ایئرپورٹ سے لاہور جانے والی ٹریفک نائنتھ ایونیو سے مری روڈ اور راول روڈ سے ہوتے ہوئے کورال فلائی اوور سے دائیں ٹرن کرکے لاہور جاسکتی ہے۔موٹروے سے آنے والی ٹریفک سری نگر ہائی وے استعمال کرتے ہوئے آبپارہ، بہارہ کہو اور مری جا سکے گی۔