اسپیکرو ڈپٹی اسپیکر قومی اسمبلی کا شہریار خان کے انتقال پر اظہار تعزیت

ہفتہ 23 مارچ 2024 17:14

اسلام آباد(اُردو پوائنٹ اخبارتازہ ترین - این این آئی۔ 23 مارچ2024ء) اسپیکر قومی اسمبلی سردار ایاز صادق اور ڈپٹی اسپیکر سید غلام مصطفی شاہ نے سابق سیکرٹری خارجہ اور سابق چیئرمین پاکستان کرکٹ بورڈ (پی سی بی) شہریار خان کے انتقال پر اظہار تعزیت کرتے ہوئے ان کی خدمات کو خراج عقیدت پیش کیاہے۔

(جاری ہے)

یہاں جاری بیان میں اسپیکر و ڈپٹی اسپیکر نے مرحوم کے اہلخانہ سے تعزیت کا اظہار کرتے ہوئے کہا ہے کہ شہریار خان کی بطور سیکرٹری خارجہ اور چیئرمین پی سی بی پیش کی جانے والی خدمات کو ہمیشہ یاد رکھا جائے گا۔

اسپیکر و ڈپٹی اسپیکر قومی اسمبلی نے کہا کہ مرحوم کی وفات سے پیدا ہونے والا خلائ تادیر پر نہیں ہو سکے گا،غم اور دکھ کی مشکل گھڑی میں سوگوار خاندان کے غم اور دکھ میں برابر کے شریک ہیں۔اسپیکر و ڈپٹی اسپیکر نے اللہ تعالیٰ سے مرحوم کے درجات کی بلندی اور سوگوار خاندان کو اس ناقابل تلافی نقصان کو برداشت کرنے کے لیے صبر جمیل عطائ فرمانے کی دعا کی۔