ذ* آئیے ہم سب مل کر امید، حوصلہ اور عزم کے ساتھ آگے بڑھیں، بلاول بھٹو

G قائدِ عوام اور شہید محترمہ بینظیر بھٹو کی میراث ہمارے لئے ان کے مشن کو پایئہ تکمیل پر پہنچانے کے سفر میں رہنمائی کی کرن ہے، چئیرمین پی پی کا یوم پاکستان پر پیغام

ہفتہ 23 مارچ 2024 20:05

# اسلام آباد (اُردو پوائنٹ اخبارتازہ ترین - آن لائن۔ 23 مارچ2024ء) پاکستان پیپلز پارٹی کے چیئرمین بلاول بھٹو زرداری نے کہا ہے کہ یوم پاکستان ملک کے بانیان کی جدوجہد کو اور ترقی کی جانب اجتماعی سفر کو سلام پیش کرنے کا دن ہے۔ آئیے ہم سب مل کر امید، حوصلہ اور عزم کے ساتھ آگے بڑھیں۔ یوم پاکستان پر قوم کے نام پیغام میں انہوں نے کہا آج کے دن قوم اپنے بانی اجداد کی دور اندیشی، قربانیوں اور غیر متزلزل عزم کو خراج عقیدت پیش کرتی ہے، قوم کے بانی اجداد نے ایک ایسے وطن کے قیام کیلئے انتھک جدوجہد کی جہاں آزادی، انصاف اور مساوات کا راج ہو،بانی اجداد کے نظریات بالخصوص قائد اعظم کے وژن کی پاسداری کے لیے غیر متزلزل عزم کے ساتھ کھڑی رہے گی۔

بلاول بھٹو زرداری نے کہاکہ آج ہم شہید بھٹو اور شہید محترمہ بینظیر بھٹو کے غیر متزلزل عزم کو بھی خراج عقیدت پیش کرتے ہیں ، شہید بھٹو اور شہید محترمہ بینظیر بھٹو نے بے خوف ہوکر عوام کے حقوق کیلئے جدوجہد کی، شہید بھٹو اور شہید محترمہ بینظیر بھٹو نے ایک عظیم مقصد کی خاطر اپنی جانوں کا نذرانہ پیش کیا۔

(جاری ہے)

انہوں نے قائدِ عوام اور شہید محترمہ بینظیر بھٹو کی میراث ہمارے لئے ان کے مشن کو پایئہ تکمیل پر پہنچانے کے سفر میں رہنمائی کی کرن ہے، آج کے دن ہر پاکستانی کو اپنے پیارے ملک کے روشن مستقبل کی تعمیر کے مشترکہ مقصد کیلئے تجدید عہد کرنا چاہیے۔

بلاول نے کہا کہ آئیے ہم سب مل کر امید، حوصلہ اور عزم کے ساتھ آگے بڑھیں، آئیے ہم سب اس یقین کامل سے آگے بڑھیں کہ پاکستان کا مستقبل روشن اور امید افزا ہے۔