عرفان صدیقی نے عمران خان کے جیل میں ہونیوالے اخراجات کا ریکارڈ مانگ لیا

جیل میں بانی پی ٹی آئی کے خصوصی رہائشی یونٹ پر ایک کروڑ روپے کے اخراجات کے بارے میں حقائق بھی سامنے لائے جائیں، (ن )لیگی

اتوار 24 مارچ 2024 16:40

ا سلام آباد (اُردو پوائنٹ اخبارتازہ ترین - این این آئی۔ 24 مارچ2024ء) پاکستان مسلم لیگ (ن) کے سینیٹر عرفان صدیقی نے بانی پی ٹی آئی عمران خان کو جیل میں دستیاب سہولیات سے متعلق حقائق سامنے لانے کا مطالبہ کرتے ہوئے ریکارڈ طلب کر لیا۔

(جاری ہے)

اپنے بیان میں سینیٹر عرفان صدیقی نے کہا کہ 179 دنوں میں بانی پی ٹی آئی سے 65 افراد نے 976 ملاقاتیں کیں، اس حوالے سے حقائق سامنے آنے چاہئیں۔انہوں نے کہا کہ عمران خان کے 179 دن میں 30 لاکھ روپے سے زائد کے کھانے کے اخراجات کے بارے میں بھی حقائق قوم کے سامنے لائے جائیں۔ن لیگی سینیٹر نے کہا کہ جیل میں بانی پی ٹی آئی کے خصوصی رہائشی یونٹ پر ایک کروڑ روپے کے اخراجات کے بارے میں حقائق بھی سامنے لائے جائیں۔