پریانکا چوپڑا نئی ایکشن فلم کے ساتھ بالی وڈ میں واپسی کیلئے تیار

پیر 25 مارچ 2024 12:38

ممبئی(اُردو پوائنٹ اخبارتازہ ترین - این این آئی۔ 25 مارچ2024ء) بالی وڈ اور ہالی وڈ کی نامور اداکارہ پریانکا چوپڑا ایک بار پھر بالی وڈ میں واپسی کررہی ہیں اور اب وہ ایکشن فلم میں نظر آئیں گی۔بھارتی میڈیا ذرائع کے مطابق اداکارہ اس وقت ممبئی میں موجود ہیں اور وہ مختلف فلم ڈائریکٹروں سے ملاقاتیں کررہی ہیں۔

(جاری ہے)

ذرائع کے مطابق پریانکا کی نامور فلمساز سنجے لیلا بھنسالی سے ملاقات ہوئی ہے اور انہیں ان کا ایک ایکشن پروجیکٹ پسند آگیا ہے۔

اداکارہ اور فلم ڈائریکٹر کے درمیان شوٹنگ شیڈول اور دیگر معاملات پر بات چیت جاری ہے اور اس کا حتمی اعلان جلد کردیا جائے گا۔یاد رہے کہ پریانکا چوپڑا امریکی پاپ سنگر نِک جوناس سے شادی کے بعد لاس اینجلس میں مقیم ہیں اور اس جوڑی کی ایک بیٹی بھی ہے۔