یوکرین کا 2 روسی جہازوں پر حملہ، ایک شخص ہلاک، 4 زخمی
آزوف اور یامل کے بڑے لینڈنگ بحری جہازوں کو کامیابی سے نشانہ بنایا، یوکرائنی حکام
پیر 25 مارچ 2024 12:57
(جاری ہے)
روس کی طرف سے مقرر کردہ کریمیا کے گورنر میخائل رضاوژائیف نے کہا کہ یہ حالیہ دنوں میں سب سے بڑا حملہ تھا۔انہوں نے کہا کہ حملے میں 65 سالہ شخص ہلاک اور 4 افراد زخمی ہوئے اور مسافر کشتیوں اور بسوں سمیت ٹرانسپورٹ انفراسٹرکچر کو جزوی نقصان پہنچا، پانچ کشتیوں کی کھڑکیاں ٹوٹ گئیں۔
سوشل میڈیا پر شیئر کی گئی فوٹیج کے مطابق دھماکوں کے بعد آگ بھڑک اٹھی اور کالے دھوئیں کے بادل چھا گئے۔دوسری جانب یوکرینی صدر وولوودیمیر زیلنسکی نے ٹوئٹر پر ویڈیو پیغام جاری کرتے ہوئے کریمیا اور بحیرہ اسود میں حملے پر یوکرین فورسز کی تعریف کی۔انہوں نے کہا کہ ہم پیوٹن کا جتنا مالی نقصان کریں گے اور اس کے خلاف سخت پابندیاں نافذ کریں گے اتنی ہی تیزی سے یوکرین، یورپ اور باقی دنیا خود کو محفوظ محسوس کرے گی۔یوکرین نے فروری 2022 میں روس کے یوکرین پر حملہ کرنے کے بعد سے روس کے بحیرہ اسود کے ایک تہائی بحری بیڑے کو تباہ کرنے کا دعوی کیا ہے، عام طور پر رات کے وقت حملوں میں بارود سے بھرے سمندری ڈرونز کا استعمال کیا جاتا ہے۔یاد رہے کہ یوکرین کی جانب سے حملے سے قبل گزشتہ روز روس نے یوکرین کے دارالحکومت کیف پر درجنوں فضائی حملے کیے تھے، تاہم حملوں کے نتیجے میں کسی جانی یا بڑے نقصان کی کوئی اطلاع نہیں ملی تھی۔یہ میزائل حملے ایسے وقت میں کیے گئے ہیں جب 22 مارچ کی رات کو روس کے دارلحکومت ماسکو کے ایک کنسرٹ میں دہشت گردوں نے حملہ کرتے ہوئے اندھا دھند فائرنگ کردی تھی جس کے نتیجے میں 133 افراد ہلاک اور 185 سے زائد زخمی ہوگئے تھے۔گزشتہ روز روسی صدر ولادمیر پیوٹن نے ماسکو میں کیے گئے حملے کا بدلہ لینے کا عزم ظاہر کرتے ہوئے کہا تھا کہ کنسرٹ پر حملہ کرنے والے چاروں افراد گرفتار کرلیا گیا ہے، جب انہیں پکڑا گیا تو وہ یوکرین کی جانب فرار ہونے کی کوشش کر رہے تھے۔مزید بین الاقوامی خبریں
-
جنگ بندی تجاویز پر اسرائیلی ردعمل موصول ہوا ہے،حماس
-
یوکرین کیلئے چھ ارب ڈالر کے نئے امریکی پیکج کا اعلان
-
رفح پر حملے سے قبل مذاکرات کا آخری موقع ہے، اسرائیل
-
امریکہ دوٹوک موقف اپنا کر اسرائیل کو رفح پرحملے سے روکے، گوتیرس
-
اسرائیلی حکام کو گرفتار کرنے کی دھمکی شرمناک ہے، نیتن یاہو
-
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
-
بائیڈن ڈونلڈ ٹرمپ سے مباحثے کیلئے تیار
-
بادشاہ چارلس آئندہ ہفتہ سے عوامی خدمات انجام دیں گے
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.