مسلم لیگ(ن) کے قائد نواز شریف اوروزیراعلیٰ پنجاب مریم نوازکی فیصل آباد آمد،ڈور پھرنے اور گٹر کی صفائی کے دوران جاں بحق ہونیوالوں کے اہل خانہ سے اظہار تعزیت کیا
پیر 25 مارچ 2024 22:48
(جاری ہے)
وزیر اعلیٰ مریم نواز شریف نے مرحوم آصف اشفاق کی والدہ کو گلے لگا کر تسلی دی۔اس موقع پرآصف مرحوم کی والدہ ہچکیاں لے کر رونے لگیں اور کہا کہ ابھی اس کی شادی کرنی تھی، وزیر اعلیٰ مریم نواز ان کا ہاتھ تھام کر تسلی تشفی دیتی رہیں جبکہ قائد محمد نواز شریف نے بھی سوگوار خاندان کو دلاسہ دیا۔
نواز شریف نے کہا کہ سب ملکر اس جرم کو روکیں کیونکہ اس واقعہ کی خوفناک وڈیوان سے دیکھی نہیں جاتی۔مرحوم کی والدہ اور بھائی نے کہا کہ ہمارا آصف چلا گیاکسی اور کا آصف نہ جائے جس پر مریم نواز نے کہا کہ میں بھی ماں ہوں اور ماں کے دکھ کو سمجھتی ہوں،آصف اشفاق کی دردناک موت پورے معاشرے کیلئے لمحہ فکریہ ہے،پتنگ بازی تفریح نہیں خونی کھیل بن چکا ہے۔ مریم نواز شریف نے کہا کہ والدین اپنے بچوں کو پتنگ بازی سے رو کنے کی سماجی ذمہ داری پوری کریں۔انہوں نے کہا کہ دھاتی تار بنانے، بیچنے اور خریدنے پر سخت قانونی کارروائی کی جائے گی۔اس موقع پرآئی جی پولیس نے واقعہ کے ذمہ دار افراد کی گرفتاری کے بارے میں بتایااور کہا کہ ڈور منگوانے، بیچنے اور خریدنے والے ٹریس ہوچکے ہیں۔ آئی جی نے کہا کہ ڈور کے پی کے سے پانڈا کے ذریعے سپلائی کی جا رہی تھی۔بعدازاں وزیر اعلیٰ پنجاب مریم نواز شریف اور قائد محمد نواز شریف فیصل آبادمیں واسا کے ہلاک ہونیوالے سیور مینوں آصف مسیح اور شان مسیح کی رہائش گاہ پر بھی گئے جو سیوریج کی صفائی کے دوران ہلاک ہوگئے تھے۔وزیر اعلیٰ مریم نواز شریف نے آصف مسیح کے والد الیاس مسیح اور شان مسیح کے والدمشتاق مسیح سے ملاقات کی اور مریم نواز نے متوفی کے بچوں کو گودمیں بٹھا کر پیار کیاجبکہ متوفی کی والدہ کو دلاسابھی دیا۔نواز شریف نے کہا کہ آصف اور شان کے دوران ڈیوٹی ہلاک ہونے کا بے حد دکھ ہے،واسا کو اپنے سیور مینوں کی حفاظت کیلئے بھرپور اقدامات کرنے چاہئیں۔ مریم نواز شریف نے کہا کہ پنجاب میں ورکرز کیلئے آکو پیشنل سیفٹی کٹس دی جارہی ہیں،ہر ورکر میرے لئے اہم ہے، ہر جان قیمتی ہے۔اس دوران سینئر منسٹر مریم اورنگزیب، پرویز رشید، طلا ل چوہدری، خلیل طاہر سندھو، مسلم لیگ کے دیگر رہنما، چیف سیکرٹری، آئی جی کمشنر،آر پی او اور دیگر حکام بھی موجود تھے۔مزید قومی خبریں
-
کراچی میں ادھار نہ دینے پر 60 سالہ دکان دار قتل
-
ملک بھر میں سڑکوں اور فٹ پاتھ پر سے تجاوزات 3 دن میں ختم کرنے کا حکم
-
فیصل جاوید اور انسداد دہشتگردی عدالت کے جج میں خوشگوار مکالمہ
-
بانی پی ٹی آئی سمجھتے ہیں کہ وہ بات نہیں کرنی چاہیے جو ملک اور اداروں کیلئے بہتر نہ ہو، وزیر اعلی خیبرپختونخوا علی امین گنڈاپور
-
پیپلز پارٹی کو صرف سندھ تک محدود جماعت کہنے والے آج خود ایک صوبے تک محدود ہو چکے ہیں، فیصل کریم کنڈی
-
وزیراعلی خیبر پختونخوا کے خلاف اسلحہ، شراب برآمدگی کیس کی سماعت ملتوی
-
پی ٹی آئی والے دوبارہ فوج کو سیاست میں دھکیل رہے ہیں، فیصل کنڈی
-
محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی کا محاذ سنبھال لیا
-
دریائوں اور آبی ذخیروں میں پانی کی صورتحال
-
تھائی لینڈ سے غیر قانونی درآمد 200نایاب کچھوے برآمد
-
پاکستان کو پرامن محفوظ اور مستحکم بنائیں گے،خواجہ سعد رفیق
-
پاکستان سمیت دنیا بھر میں فائر فائٹرز کا عالمی دن 4 مئی کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.