ہالینڈ میں کام کرنے والے پاکستانیوں کی ترسیلات زر میں معمولی کمی

ترسیلات زر میں مجموعی طور پر سالانہ بنیادوں پر 1.2 فیصد کمی ریکارڈ

منگل 26 مارچ 2024 13:03

ہالینڈ میں کام کرنے والے پاکستانیوں کی ترسیلات زر میں معمولی کمی
لاہور(اُردو پوائنٹ اخبارتازہ ترین - این این آئی۔ 26 مارچ2024ء) ہالینڈ میں کام کرنے والے پاکستانیوں کی ترسیلات زر میں جاری مالی سال کے پہلے 8 ماہ میں سالانہ بنیادوں پر 1.1 فیصد کی کمی ریکارڈ کی گئی ہے۔اعدادوشمارکے مطابق جاری مالی سال کے پہلے اٹھ ماہ کے دوران ہالینڈ میں کام کرنے والے پاکستانیوں نے 35.9 ملین ڈالر کا زر مبادلہ ملک ار سال کیا جو گزشتہ مالی سال کے اسی مدت کے مقابلے میں 1.1 فیصد زیادہ ہے۔

(جاری ہے)

اعداد و شمار کے مطابق فروری میں ہالینڈ سے ترسیلات زر کا حجم 4.4 ملین ڈالر ریکارڈ کیا گیا جو جنوری میں 4.8 ملین ڈالر اور گزشتہ سال فروری میں 4.9 ملین ڈالر تھا۔واضح رہے کہ جاری مالی سال کے پہلے 8 ماہ میں سمندر پر پاکستانیوں نے مجموعی طور پر 18.8 ارب ڈالر کا زر مبادلہ ملک ارسال کیا ہے جو گزشتہ مالی سال کی سی مدت کے مقابلے میں 1.2 فیصد کم ہے، گزشتہ مالی سال کے اسے مدت میں سمندر پار پاکستانیوں نے مجموعی طور پر 18.30 ارب ڈالر کا زر مبادلہ ملک ارسال کیا تھا۔

متعلقہ عنوان :