صدر مملکت آصف علی زرداری سے وزیر اعظم محمد شہباز شریف کی ملاقات

منگل 26 مارچ 2024 15:48

اسلام آباد (اُردو پوائنٹ اخبارتازہ ترین - اے پی پی۔ 26 مارچ2024ء) صدر مملکت آصف علی زرداری سے وزیراعظم محمد شہباز شریف نے منگل کو یہاں ایوان صدر میں ملاقات کی۔

(جاری ہے)

ایوان صدرکے پریس ونگ کے مطابق صدر مملکت اور وزیراعظم نے ملک کی مجموعی سیاسی و معاشی صورتحال پر تبادلہ خیال کیا۔ صدر اور وزیراعظم نے ملک کو درپیش مسائل سے نکالنے کے مشترکہ عزم کا اظہار بھی کیا۔ صدر مملکت اور وزیراعظم کے درمیان ہونے والی ملاقات میں رمضان المبارک میں عوام کو ریلیف پہنچانے کیلئے اقدامات پر بھی گفتگو ہوئی۔