شوبز کیریئر میں لگاتار 16 فلمیں فلاپ ہوئیں لیکن محنت نہیں چھوڑی، اکشے کمار

جمعہ 29 مارچ 2024 11:05

ممبئی(اُردو پوائنٹ اخبارتازہ ترین - این این آئی۔ 29 مارچ2024ء) بھارتی سپر اسٹار اکشے کمار نے کہا ہے کہ شوبز کیریئر میں ان کی 16 فلمیں لگاتار فلاپ ہوئیں لیکن انہوں نے محنت نہیں چھوڑی۔

(جاری ہے)

اپنی نئی فلم ’بڑے میاں چھوٹے میاں‘ کے ٹریلر لانچ کی تقریب گفتگو کرتے ہوئے اداکار نے کہا کہ وہ محنت کرتے ہیں لیکن باکس آفس پر کامیابی ان کے ہاتھ میں نہیں ہے۔اداکار نے انکشاف کیا کہ ایک دور میں ان کی 16 فلمیں لگاتار فلاپ ہوئی تھیں لیکن وہ اس وقت بھی جم کر کام کرتے رہے اور اب بھی کام کررہے ہیں۔اکشے کمار کا کہنا تھا کہ وہ ہر قسم کی فلمیں بنانے کی کوشش کرتے ہیں اور کسی ایک طرز کی فلموں میں محدود نہیں رہنا چاہتے، چاہے کامیابی ہو یا ناکامی ہو۔