ق* پاکستان تحریک انصاف نے جسٹس (ر)تصدق حسین جیلانی کی کمیشن سربراہی مسترد کردی

اتوار 31 مارچ 2024 02:25

اسلام آباد(اُردو پوائنٹ اخبارتازہ ترین - آن لائن۔ 31 مارچ2024ء) پاکستان تحریک انصاف نے جسٹس (ر)تصدق حسین جیلانی کی کمیشن سربراہی مسترد کردی ۔پی ٹی آئی نے میمو گیٹ اور الیکشن انکوائری کمیشن کے طرز پر کمیشن بنانے کا مطالبہ کردیا۔

(جاری ہے)

بیرسٹر گوہر خان نے میڈیا سے گفتگو کرتے ہوئے کہاکہ ہم اس کمیشن کو مسترد کرتے ہیں، صرف حاضر سروس ججز کا کمیشن بنایا جائے، ہم ریٹائرڈ ججز پر مشتمل کمیشن کو مسترد کرتے ہیں،میمو گیٹ اور الیکشن انکوائری کمیشن طرز پر کمیشن بنایا جائے، میمو گیٹ اور الیکشن انکوائری کمیشن کو اس وقت کے چیف جسٹس ناصر الملک نے ہیڈ کیا تھا۔