تائیوان میں زلزلہ، مزید 2 لاشیں ملنے کے بعد اموات 12 ہو گئیں

جمعہ 5 اپریل 2024 16:36

تائی پے (اُردو پوائنٹ اخبارتازہ ترین - این این آئی۔ 05 اپریل2024ء) تائیوان میں شدید ترین زلزلے کے 2 روز بعد بھی امدادی کارروائیاں جاری ہیں۔غیر ملکی خبر ایجنسی نے بتایا ہے کہ تائیوان میں مزید 2 لاشیں ملنے کے بعد اموات کی تعداد 12 ہو گئی ۔زلزلے سے سب سے زیادہ متاثرہ کاونٹی ہولیان میں اب تک 50 سے زائد آفٹر شاکس آ چکے ہیں۔

(جاری ہے)

واضح رہے کہ 2 روز قبل تائیوان میں 7.7 شدت کا زلزلہ آیا تھا جس کے نتیجے میں متعدد عمارتیں زمین بوس ہو گئی تھیں جبکہ متعدد افراد ملبے تلے دب گئے تھے۔

زلزلہ پیما مرکز کے مطابق زلزلے کا مرکز ساحلی علاقے ہوالین کے قریب تھا، جبکہ اس کی گہرائی 15.5 کلو میٹر زیرِ زمین ریکارڈ کی گئی تھی۔تائیوان کے ساتھ ساتھ جاپان میں بھی زلزلے کے جھٹکے محسوس کیے گئے تھے، تاہم جاپان سے کسی قسم کے نقصان کی اطلاع نہیں ملی تھی۔