آتشبازی کا سامان تیار اور فروخت کرنا قانون شکنی ہے، سعودی ادارہ پراسیکیوشن کا انتباہ

ہفتہ 6 اپریل 2024 09:20

ریاض (اُردو پوائنٹ اخبارتازہ ترین - اے پی پی۔ 06 اپریل2024ء) سعودی ادارہ پراسیکیوشن نے خبردار کیا ہے کہ ملک بھر میں غیرقانونی طور پر آتشبازی کا سامان تیار اور فروخت کرنا قانون شکنی ہے جس پر قید اور جرمانے کی سزا مقرر ہے۔

(جاری ہے)

اخبار 24 کے مطابق ادارہ پراسیکیوشن کی جانب سے جاری بیان میں کہا گیا ہےکہ اس حوالے سےآتشبازی کے قوانین واضح کرتے ہوئے کہا ہے کہ آتشبازی کا سامان تیار اور فروخت کرنا قانون شکنی ہے جس پر 6 ماہ قید اور ایک لاکھ ریال تک جرمانے کا سامنا کرنا پڑسکتا ہے۔

بیان میں کہا گیا ہےکہ جرم کی نوعیت کو دیکھتے ہوئے قید اور جرمانے کی سزائیں بیک وقت بھی دی جاسکتی ہیں۔ واضح رہے کہ ادارہ پراسیکیوشن کی جانب سے پٹاخوں کے حوالے سے انتباہ عید الفطر کی آمد کے موقع پر جاری کیا گیا ہے۔