پنجاب کے بیشتر شہروں میں موسم گرم اور خشک رہے گا،12اپریل سے صوبہ بھر میں بارشوں کا سلسلہ متوقع ہے،محکمہ موسمیات

پیر 8 اپریل 2024 16:03

لاہور (اُردو پوائنٹ اخبارتازہ ترین - اے پی پی۔ 08 اپریل2024ء) محکمہ موسمیات نے پیش گوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر شہر وں میں موسم گرم اور خشک رہے گا تاہم 12 اپریل سے صوبہ بھر میں بارشوں کا سلسلہ متوقع ہے۔

(جاری ہے)

ترجمان محکمہ موسمیات کے مطابق شہر کے درجہ حرارت میں اضافہ جبکہ آلودگی میں نمایاں کمی واقع ہوئی ہے،گزشتہ روز صوبہ کے بیشتر علاقوں میں موسم گرم اور خشک رہا۔

لاہور میں کم سے کم درجہ حرارت 20 جبکہ زیادہ سے زیادہ 34 سینٹی گریڈ ریکارڈ کیا گیا،ہوا میں نمی کا تناسب 21 فی صد رہا،لا ہور میں آلودگی کی مجموعی شرح 80 فیصد رہی،اسی طرح شہر کے دیگر علاقوں یو ایس قونصلیٹ 107،بریڈ اینڈ بائونڈ لاہور155،یو ایم ٹی93 ،ریونیو سوسائٹی93، ذکی فارمز 99 اور شاہراہِ قائد اعظم پر 86 ائیر کوالٹی انڈیکس ریکارڈ کیا گیا۔