یونان کی تاریخی مسجد ینی میں 100 سال بعد نماز کی ادائیگی

شہر تھاسالونیکی کی اس تاریخی مسجد میں آخری مرتبہ 1923 میں نماز ادا کی گئی تھی سوسال بعد امام طحہٰ عبدل قلیل کی امامت میں نمازِ عیدالفطر ادا کرنے کیلئے کھولا گیا

جمعہ 12 اپریل 2024 10:25

ایتھنز(اُردو پوائنٹ اخبارتازہ ترین - این این آئی۔ 12 اپریل2024ء) یونان میں تاریخی مسجد ینی میں 100 سال بعد امامت کی گئی اور نماز ادا کی گئی۔یونان کے دوسرے بڑے شہر تھاسالونیکی میں تاریخی مسجد ینی میں 100سال کے بعد نمازیوں نے نماز ادا کی۔

(جاری ہے)

مسجد میں آخری مرتبہ 1923 میں نماز ادا کی گئی تھی جس کے بعد آج تقریباً 100 سال بعد اس مسجد کو شہر کے مقامی مسلمانوں کے لیے مصری نژاد امام طحہٰ عبدل قلیل کی امامت میں نمازِ عیدالفطر ادا کرنے کے لیے کھولا گیا۔

مسجد کو رات 3 بجے کھول کر سیکیورٹی کلیئرنس کے بعد صبح پولیس کی نگرانی میں نماز عیدالفطر ادا کرنے کے لیے شہر کے مسلمانوں کو اندر جانے کی اجازت دی اور انہوں نے نماز ادا کی جس کے بعد شہری بہت خوش دکھائی دیے۔انہوں نے اس تاریخی مسجد کو نماز کے لیے کھولے جانے پر حکومت کا شکریہ ادا کیا۔مسجد ینی کو تھاسالونیکی شہر میں اسلام قبول کرنے والے یہودیوں کے لیے 1902ء میں اٹالین آرکیٹیکٹ نے تعمیر کیا تھا۔