ایل ڈی اے کاوزیراعلی پنجاب کو پانچ سالہ ڈویلپمنٹ پروگرام دینے کا فیصلہ

لاہور شہر کے دو نئے داخلی راستے ، ایلی ویٹڈ ایکسپریس وے ، بلیو اور پرپل لائن کا سول سٹرکچر شامل ،ایک کھرب بارہ ارب کا تخمینہ

پیر 15 اپریل 2024 22:10

لاہور(اُردو پوائنٹ اخبارتازہ ترین - این این آئی۔ 15 اپریل2024ء) ایل ڈی اے نے وزیراعلی پنجاب کو پانچ سالہ ڈویلپمنٹ پروگرام دینے کا فیصلہ کر لیا ، لاہور شہر کے دو نئے داخلی راستے ، ایلی ویٹڈ ایکسپریس وے ، بلیو اور پرپل لائن کا سول سٹرکچر شامل ہے ، پانچ سالہ پروگرام پر ایک کھرب بارہ ارب کا تخمینہ لگایا گیا ہے ۔تفصیلات کے مطابق لاہور ڈویلپمنٹ اتھارٹی نے وزیراعلی کو پانچ سالہ ڈویلپمنٹ پروگرام دینے کا فیصلہ کیا ہے ۔

لاہور شہر کے دو نئے داخلی و خارجی راستوں کے لئے میگا پلان شامل کیا گیا ہے۔ ایلی ویٹڈ ایکسپریس وے ، بلیو اور پرپل لائن کا سول سٹرکچر شامل کیا گیا ہے ۔ ایلی ویٹڈ ایکسپریس وے سے لاہور شہر کو نیا ٹریفک روٹ اور داخلی و خارجی راستہ فراہم ہوگا ۔سابق نگران حکومت کا کریم بلاک سے براستہ کھاڑک موٹر وے تک شارٹ روٹ شامل کرلیا گیا ہے ۔

(جاری ہے)

بلیو لائن اور پرپل لائن کے سول سٹرکچر کی تعمیر کا تخمینہ اور پلان بھی شامل ہوگا ۔

لاہور شہر میں مجوزہ انڈر پاسز اور فلائی اوورز کا منصوبہ بھی شامل کیا گیا ہے ۔ گڑھی شاہو اور کریم بلاک پراجیکٹ بھی پانچ سالہ پلان کا حصہ ہوں گے ۔ پلان کی حتمی منظوری وزیراعلی پنجاب مریم نواز دیں گی ۔ایل ڈی اے کی جانب سے پانچ سالہ پروگرام پر ایک کھرب بیس ارب کا تخمینہ لگایا گیا ہے ۔ڈی جی ایل ڈی اے طاہر فاروق نے چیف انجینئر کی مشاورت سے پانچ سالہ ترقیاتی پروگرام تیار کیا ہے