yاسرائیلی فنکارہ کا غزہ میں فوری جنگ بندی کیلئے انوکھا احتجاج

ح*نمائش کے دوران فنکارہ نے اسرائیل کے پویلین کو کھولنے سے انکار کر دیا

بدھ 17 اپریل 2024 18:11

Cوینس(اُردو پوائنٹ اخبارتازہ ترین - آن لائن۔ 17 اپریل2024ء) اسرائیلی فنکارہ رتھ پٹیر نے اٹلی میں جاری نمائش میں غزہ میں فوری جنگ بندی کے لییانوکھے انداز میں احتجاج کیا۔بین الاقوامی میڈیا کی رپورٹ کے مطابق، اٹلی کے شہر وینس میں جاری نمائش کے دوران اسرائیل کی نمائندگی کرنے والی فنکارہ رتھ پٹیر نے اسرائیل کے پویلین کو کھولنے سے انکار کر دیا۔

(جاری ہے)

رتھ پٹیر نے اسرائیلی پویلین کے باہر ایک پوسٹرآویزاں کیا جس پر لکھا تھا کہ اسرائیلی پویلین کے فنکار اور منتظمین اس نمائش کا افتتاح اس وقت کریں گے جب غزہ میں جاری جنگ بند ہوگی اور یرغمالیوں کی رہائی کا معاہدہ طے پا جائے گا۔واضح رہے کہ 7 اکتوبر سے اسرائیلی جارحیت کے باعث اب تک غزہ میں شہیر ہونے والے فلسطینیوں کی تعداد 33 ہزار 500 سے زائد ہو گئی ہے جبکہ 76 ہزار فلسطینی زخمی ہوئے ہیں۔