جنرل ساحر شمشاد سے ترک فوج کے جنرل سٹاف چیف جنرل متین گورک کی ملاقات

دوطرفہ فوجی تعاون اور دائرہ کار بڑھانے سے متعلق امور پر تبادلہ خیال کیا گیا، آئی ایس پی آر

جمعرات 18 اپریل 2024 21:10

راولپنڈی (اُردو پوائنٹ اخبارتازہ ترین - این این آئی۔ 18 اپریل2024ء) چیئرمین جوائنٹ چیفس آف سٹاف کمیٹی جنرل ساحر شمشاد مرزا سے ترک فوج کے جنرل سٹاف کے چیف جنرل متین گورک نے ملاقات کی جس میں دوطرفہ فوجی تعاون اور دائرہ کار بڑھانے سے متعلق امور پر تبادلہ خیال کیا گیا۔

(جاری ہے)

آئی ایس پی آر کے مطابق چیئرمین جوائنٹ چیفس آف سٹاف کمیٹی جنرل ساحر شمشاد مرزا سے ترک فوج کے جنرل سٹاف کے چیف جنرل متین گورک نے جمعرات کو جوائنٹ سٹاف ہیڈکوارٹرز راولپنڈی میں ملاقات کی۔ملاقات میں دوطرفہ فوجی تعاون اور دائرہ کار بڑھانے سے متعلق امور پر تبادلہ خیال کیا گیا۔ آئی ایس پی آر کے مطابق فریقین نے اسٹریٹجک تعلقات استوار کرنے کے عزم کا اعادہ بھی کیا۔